"AP" (Contén)

LAGOS

Lago de Nova Zelanda, situado na rexión dos fiordes (145 km2 e 450 m de profundidade). Forma parte do parque nacional de Fiordland.

PERSOEIRO

Mítico soberano inca. Descendente do Sol, foi considerado o fundador do Imperio Inca. Segundo a tradición, casou coa súa irmá Mama Ocilo e estableceuse na cidade de Cuzco.

PERSOEIRO

Soberano inca (1533-1544), fillo de Huayna Cápac. Logo de morrer os seus irmáns Huáscar e Atahualpa, accedeu ao trono recoñecido por Pizarro. Despois de rebelarse contra este, ocupou Lima e Cuzco, pero tivo que retirarse aos Andes. Sucedérono os seus fillos a finais de 1572.

PERSOEIRO

Escritor. De formación relixiosa, estivo ao servizo do rei de Inglaterra. Foi enviado a Roma ao II Concilio de Letrán, e escribiu en lingua latina De nugis curialium e Dissuasio Valerii ad Rufinum ne uxorem ducat.

1. Representación gráfica plana da superficie da Terra ou de parte dela, atendendo a unha escala e a unha proxección determinada. A elaboración de mapas é obxecto da cartografía, e está orientada cara a xeografía e a navegación mariña e aérea. Os mapas elabóranse a escala para resolver os problemas de dimensións. Poden ser a grande escala, entre 1:200.000 e 1:10.000, empregados en grandes coberturas; a mediana escala, entre 1:200.000 e 1:1.000.000; e a pequena escala, de 1:1.000.000, que representan conxuntos de países, estados e continentes. A complexidade da realidade que pretende representar fai que todo mapa leve unha lenda que simplifique os datos mediante a selección da información e o emprego de símbolos convencionais. Segundo o que representen, distínguese entre mapas topográficos, que plasman a estrutura físico-política da Terra, e mapas temáticos, que representan aspectos monográficos, como mapas xeolóxicos, climáticos ou demográficos.

2. Diagrama no que se indica o futuro destino de cada unha das partes do embrión.

3. Mapa sen lenda.

4. Diagrama que representa a posición dun xene no cromosoma. O mapa cromosómico constrúese a partir das frecuencias de entrecruzamento e da observación das aberracións cromosómicas. Canto maior é a frecuencia, máis próximos están os xenes, e viceversa. A unidade de distancia denomínase morgan. OBS: Tamén se denomina mapa cromosómico.

PERSOEIRO

Fotógrafo. Estudiou no Pratt Institute de Brooklyn, á vez que produciu filmes underground, esculturas e colaxes. Influído por John McEndry, interesouse pola fotografía. Preocupouse polos temas clásicos e destacou polas súas imaxes de flores, retratos de destacados artistas e intelectuais da cidade neoiorquina e polos nus, que aparecen de forma natural e clásica, marcados pola liberdade. Especializouse en autorretratos con roupas de muller e colaxes con restos de imaxes que el mesmo recompilaba.

1. Relativo ou pertencente ao pobo mapuche.

2. Individuo do pobo mapuche.

3. Pobo araucano meridional. O 11 de setembro de 1541 produciuse o primeiro levantamento contra os colonizadores españois, e tras un alzamento xeral en 1546, o seu territorio foi dividido e a propiedade da terra pasou ao estado (1860-1883). Os principais asentamentos están na zona de Temuco, na rexión da Araucanía (Chile) e en zonas de Arxentina.

4. araucano.

CAPITAIS

Capital de Moçambique e da provincia homónima, situada na badía de Maputo, no Océano Índico (966.837 h [1997]). O gran desenvolvemento económico rexistrado desde finais do s XIX, favoreceu o crecemento demográfico. A economía céntrase na industria e no turismo.

1. Pequeno xerador de estímulos eléctricos que, conectado permanentemente ao corazón, o excita ritmicamente e asegura a súa contracción e o seu ritmo cando é incapaz de facelo por si mesmo.

2. Calquera tecido especializado que inicia e mantén o ritmo de determinadas funcións do organismo (contraccións do útero, latidos do corazón).

PERSOEIRO

Militar francés. Foi oficial de infantería de Mariña desde 1889, e explorou diversos territorios de África Occidental e a rexión do alto Níxer, no interior de Costa de Marfil. En 1898 protagonizou o incidente de Fāshōda.