"fico" (En toda a entrada)

Ordenador que, polo pouco espazo que ocupa e polo seu baixo prezo, permite realizar e resolver aplicacións que antes precisaban dun ordenador de medida estándar ou un terminal conectado a un ordenador máis potente. Adoitan ter unha maquinaria compacta, usar linguaxes interactivas e ir acompañados de programas específicos con aplicacións, polo xeral subministradas por empresas especializadas. Normalmente están formados por unha unidade central, a memoria principal e a memoria auxiliar. Tamén posúen un sistema para rexistrar datos e programas (unidades de disco). Aínda que os primeiros modelos apareceron a principios da década de 1970, o primeiro que se considera como tal foi o PC de IBM, que apareceu en 1981. O PC evolucionou co modelo XT, que incluíu o disco duro. En 1984 apareceu o modelo AT, que incorporaba o microprocesador 80 286, con notables avances. Todos estes aparatos funcionaban co sistema operativo MS-DOS, desenvolvido por Microsoft, que é o sistema universal dos microordenadores....

Enfrontamento que tivo lugar durante a Segunda Guerra Mundial nos arredores do arquipélago de Midway entre Xapón e EE UU. O plan xaponés pretendía atacar por sorpresa o arquipélago de Midway, despois de facer unha acción de engano nas illas Aleutianas, que comezou o 3 de xuño de 1942. O contraataque estadounidense impediu a toma do arquipélago e mostrou a superioridade naval estadounidense e a importancia dos portaavións na guerra naval. Foi a derrota máis dura de Xapón e supuxo o final do seu avance polo Pacífico.

Ioduro de prata, de fórmula (Cu,Ag)I, que cristaliza no sistema cúbico e é de cor amarela. Ten dureza 2,5 e peso específico 5,64-5,68.

Conxunto petrográfico que, a escala de afloramento e non de mostra illada, é unha barreira de rochas de tipo granítico e gneis. Conforma o límite entre as rochas metamórficas e as rochas magmáticas, e a súa xénese está ligada a unha fusión parcial.

Escolma de contos escritos en árabe, datada entre os ss IX e XV, que circularon oralmente entre os ss IX e X. Desenvólvese a partir da historia dun rei que mata doncelas por consideralas aburridas, ata que unha delas, Sherezade, consegue manter a atención do monarca contándolle unha historia diferente cada noite. Seguindo o estilo das antigas coleccións orientais, incluíu narracións propias da contística india (O mercador e o xenio), iraniana (Qamar al-Zamān e a princesa Budūr), do antigo Exipto, grega e hebrea (conto de Šamasp e Šansah). O reducido marco xeográfico en que se desenvolve a acción contrasta co gran número de personaxes e acontecementos que teñen lugar. Os xéneros literarios empregados son numerosos e variados, como as historias de tipo fantástico, lendas, novelas, contos didácticos, humorísticos ou fábulas. De todas elas, as de máis transcendencia foron Sindbad o mariño, de influencia persa, Aladino...

Antropónimo feminino que ten a súa orixe na advocación da Virxe (Nosa Señora dos Milagres). O substantivo ‘milagre’ procede do latín miraculu ‘prodixio, portento, marabilla’. Tense dito que no latín medieval tamén significou “lugar alto, posto de vixía” e que de tal polisemia puido nacer a vinculación relixiosa a tales lugares. Presenta o hipocorístico Mila. A Virxe dos Milagres recibe culto popular en moitos lugares de Galicia; destaca pola súa popularidade a do santuario de Amil (celebrada o primeiro domingo despois do 8 de setembro),   en Moraña, os Milagres de Saavedra (o 24 de maio), en Begonte, e os do Monte Medo (o 7 e 8 de setembro), en Baños de Molgas. A Virxe dos Milagres é patroa do concello de Taboada e de Valga, onde se celebra o 10 e o 28 de agosto, respectivamente.

Antigo estado do N de Italia formado arredor de Milán, que foi a capital. Pouco despois de constituírse o goberno comunal na primeira metade do s XII, Milán esforzouse por impor a súa tutela sobre as outras cidades lombardas. A transformación da comunidade en señorío non significou a fin da súa expansión, senón todo o contrario, xa que os Torriani (s XIII) e os Visconti (s XIV) impulsaron a expansión e someteron Bérgamo, Brescia, Novara, Boloña, Perugia, Pisa e Siena, e obtiveron o recoñecemento imperial de Venceslau I, que lle concedeu os títulos de duque de Milán (1395) e duque de Lombardia (1397) a Giovanni Galeazzo (1447). Morto o duque de Milán, Filippo Maria Visconti, sen sucesión masculina, o ducado de Milán pasou a Afonso V de Aragón. Este renunciou e axudou a Francesco Sforza, xenro do duque, a tomar posesión do ducado e defender os milaneses dos ataques venecianos e florentinos. En 1499 o ducado pasou aos franceses cando Luís XII de Francia llo arrebatou a Luís I de Milán. Os...

Escola filosófica presocrática fundada en Mileto. Os seus membros esforzáronse en probar o principio único de onde proveñen todas as cousas substituíndo os mitos sobre a orixe do Universo por unha explicación física e material. Tales considerou que este principio primeiro era a auga que, mediante un proceso de condensación, se convertía en terra, aire e lume. Anaximandro indentificou o elemento primitivo co ilimitado (‘ά), entendido como a materia infinita susceptible de producir sempre seres novos, e Anaxímenes considerou o aire como o principio de todas as cousas.

Xénero de cnidarios coloniais urticantes, da familia dos millepóridos, da clase dos hidrozoos que presentan exoesqueleto calcario con perforacións polas que se asoman os individuos da colonia. Presentan propiedades urticantes e son parte das formacións coraliformes. Habitan nas augas tropicais costeiras do Atlántico e do Pacífico.

Proceso metamórfico debido a forzas tectónicas, que provoca a trituración das rochas e a súa cementación por recristalización.

Construción situada en Roma. Construíuse no s II a C e modificouse no s XV. Por medio dela pasaba a vía Flaminia que atravesaba o Tíber. No 312 tivo lugar nas súas inmediacións a Batalla da Ponte Milvio, en que Constantino I o Grande venceu a Maxencio.

Sistema filosófico ortodoxo do brahmanismo. Afirma a realidade do mundo fenoménico e o carácter sobrehumano dos Vedas e comprende unha filosofía do coñecemento e da linguaxe e unha ética ritualista.

Cloroarseniato de chumbo, de fórmula Pb5(AsO4,PO4)3 Cl. Cristaliza no sistema hexagonal. A súa cor vai do amarelo claro ao pardo amarelado ou ao amarelo alaranxado. Ten unha dureza de 3,5-4 e un peso específico de 7,24.

Deusa romana da sabedoría, da intelixencia, das artes, das ciencias e dos dons da civilización en xeral. A súa figura entrou probablemente a través dos etruscos e identificouse coa grega Atenea. Forma parte da tríade capitolina xunto a Xúpiter e Xuno.

Revista publicada en Ourense a partir de 1992. Subtitulada “Revista do Departamento de Historia, Arte e Xeografía de Ourense”, o primeiro número editouno o departamento, pero a partir do segundo correu a cargo de Edicións do Castro, ata 1999, data en que se fixo cargo o servizo de publicacións da Universidade de Vigo. Dirixida por Mª Victoria Carballo-Calero Ramos e coordinada por Ladislao Castro, saíu cada ano. Tivo carácter científico, e incluíu traballos de investigación sobre arqueoloxía, historia (medieval, moderna e contemporánea) ou arte, así como outros temas en que colaboraron profesores dese e doutros centros.