"Baños" (Contén)

PARROQUIA

Parroquia do concello da Veiga baixo a advocación de san Fiz.

MUNICIPIOS

Municipio da provincia de Jaén, Andalucía, ao pé de Sierra Morena e drenado polos ríos Pinto e Grande (2.756 h [1996]). No seu termo está o encoro de Rumblar. A súa economía posúe un acentuado perfil agropecuario, destacando as producións dos cereais e das oliveiras. Tamén se explotan os xacementos de chumbo do seu subsolo. A vila de Baños de la Encina, situada ao S do municipio, recibiu en 1969 a cualificación de Conxunto Histórico Artístico, grazas á riqueza do seu patrimonio arquitectónico, especialmente o construído a partir do s XVIII. Dentro dela consérvase o castelo medieval de Bury al-Hamma, levantado no 968 por Alhakam II, Califa de Córdoba, declarado Monumento Histórico Artístico Nacional en xuño de 1931. A abundancia metalífera do seu subsolo (chumbo, cobre, prata, etc), atraeu primeiro os cartaxineses e logo os romanos, quedando multitude de evidencias arqueolóxicas da actividade mineira nesa época. Por outra banda, a súa localización estratéxica no paso entre a Mancha e Andalucía,...

PARROQUIA

Parroquia baixo a advocación de san Salvador onde está situada a capital do concello de Baños de Molgas.

GALICIA

Concello da comarca de Allariz-Maceda situado na provincia de Ourense (42° 14’ 35’’ de latitude N-7° 41’ 40’’ de lonxitude O). Limita ao NL co concello de Maceda, ao NO cos de Allariz e Paderne de Allariz (Allariz-Maceda), ao SL co de Vilar de Barrio (A Limia) e ao SO co de Xunqueira de Ambía (Allariz-maceda). Abrangue unha superficie de 67,6 km 2 cunha poboación de 1.922 habitantes (2007) distribuídos nas parroquias de Almoite, Ambía, Baños de Molgas, Betán, Cantoña, Coucieiro, Guamil, Lama Má, Poedo, Ponte Ambía, Presqueira, Ribeira e Vide. A súa capital é a vila de Baños de Molgas. Localizado a 36 km da cidade de Ourense e 147 de Santiago de Compostela, está adscrito ao partido xudicial e á diocese de Ourense.
Xeografía física
O concello de Baños de Molgas está nunha área de transición ao dominio climático oceánico continental, feito motivado polo seu afastamento do mar e a súa elevada altitude, sempre por riba da cota dos 450 m. Os invernos son...

MUNICIPIOS

Municipio da Comunidad Autónoma de La Rioja, drenado polo río Najerilla (1.845 h [1996]). A base da súa economía reside nas actividades agropecuarias, principalmente cultivos de cereais, vides e gandería, especialmente porcina. Tamén hai industrias transformadoras, fundamentalmente alimenticias.

GALICIA

Economista auditor e político. Foi concelleiro socialista en Vigo, director xeral de Vivenda e Solo da Xunta de Galicia e director do Instituto Galego de Vivenda e Solo da consellería de Ordenación do Territorio e Obras Públicas. Así mesmo, foi parlamentario autonómico socialista. Ocupou o cargo de director financeiro nunha empresa viguesa do metal e director financeiro de Feve (2004-2005). Dende 2005 a 2009 foi Director Xeral de Transportes. 
 

PERSOEIRO

Documentalista, produtor e director de fotografía. Foi un dos pioneiros do cine español a principios do século XX. Aprendeu o seu oficio na produtora Gaumont de París. En 1907 instalou un laboratorio de revelado e copias en Barcelona xunto ao seu irmán, o operador Ramón de Baños. Estreou a súa carreira coa rodaxe de escenas de zarzuelas e curtametraxes. Entre as súas realizacións destacan: La malquerida (1914), baseada na obra homónima de Jacinto Benavente, Sangre y arena (1916), versión da obra de Blasco Ibáñez, Don Juan Tenorio (1921), unha das primeiras adaptacións da obra de Zorrilla, e La gitana blanca (1925).

GALICIA

Empresario cinematográfico. A súa relación coa industria cinematográfica comezou en diversos cines de Vigo. Despois de traballar como ordenanza no Teatro García Barbón, rexentado por Victoriano Gil, desempeñou o labor de operador no cine Tamberlick, propiedade de Isaac Fraga Penedo. Máis tarde trasladouse ao cine Yeca de Chantada e logo a Melide, onde foi encargado das proxeccións no Capitol. Nesta última vila coñeceu o empresario Dignatario Cerdeira. Á súa volta a Vigo, traballou como operador en salas de barrio como a de Bouzas ou a das Travesas, e iniciouse como empresario no cine Avenida de Tomiño. A finais dos anos corenta, ingresou no sector da distribución coa súa empresa Baños Films. Os seus comezos están ligados a Arturo González -quen lle ofreceu as primeiras películas para a súa distribución- e a Isaac Fraga -quen lle comprou as primeiras fitas-. Deste modo, iniciou a súa traxectoria Baños Films, que vén de manter unha actividade continuada a carón das delegacións das principais...

PARROQUIA

Parroquia do concello de Bande baixo a advocación de san Xoán.

MUNICIPIOS

Municipio da provincia de Toledo, Castela-A Mancha, situado ao S de Aranjuez (1.711 h [2001]). Posúe agricultura, cunha produción predominante de cereais e gandería. Destaca a elaboración de viños. Do seu patrimonio cultural destacan as ruínas do castelo de Valdecarábanos (s XII) e a igrexa de San Nicolás de Bari (s XVIII).

MUNICIPIOS

Municipio de Nafarroa localizado na comarca de Valdizarbe (785 h [2001]). Está situado á beira do Camiño Francés de peregrinación a Santiago de Compostela, e destaca a ermida de Nuestra Señora de Arnotegui, onde ten orixe a lenda do Misterio de san Guillén e santa Felicia. Segundo a lenda, a princesa santa Felicia de Aquitania decidiu abandonar o mundo á volta de peregrinar a Santiago de Compostela. O seu irmán Guillén, tratou de disuadila, e ao non conseguilo, nun ataque de ira, matouna. Arrepentido, peregrinou a Santiago de Compostela e ao seu regreso quedou en Obanos como penitente.  A Fundación Misterio de Obanos fai unha representación teatral da lenda coa participación dos veciños do pobo.