"Bay" (Contén)

LAGOS

Lago de Etiopía ao SO do país, na fosa tectónica do Rift Valley, a 1.169 m de altitude (1.261 km2).

DEPARTAMENTOS

Departamento da rexión oriental do Paraguai (12.933 km2; 99.860 h [1992]). A capital é Pedro Juan Caballero.

PERSOEIRO

Militar. Xeneral de brigada (1919), foi xefe superior da policía de Barcelona. A súa actuación represiva contra os movementos sindicais provocou o seu cesamento polo goberno de Sánchez Guerra (1922). Primo de Rivera encargoulle a dirección xeral de Orde Pública do ministerio de Gobernación (1923).

PERSOEIRO

Xeógrafo. Acadou a celebridade co Kitāb al-masālik wa-l-mamālik (Libro dos camiños e dos reinos, 1068). Foi o autor tamén dun dicionario xeográfico, dun libro sobre plantas e de diversos tratados filolóxicos.

REXIÓNS

Rexión de Somalia (39.000 km2; 450.986 h [estim 1980]). A súa capital é Baydhabo.

PERSOEIRO

Teólogo belga, tamén coñecido co nome de Michael Baius. Foi profesor da Universidade de Lovaina e director do Colexio Standonk. Interpretando a ensinanza antipelaxiana de santo Agostiño, afirmou que o pecado orixinal implica unha mutilación da natureza, que en todo momento queda sometida á concupiscencia. Pío V condenou 79 puntos da súa doutrina, condena repetida por Gregorio XIII (1579) e Urbano VIII (1641). Está considerado un precursor do Xansenismo.

CAPITAIS

Capital da provincia de Granma (antiga provincia de Oriente), Cuba, nunha chaira ao pé da Sierra Maestra (140.000 h [1995]). Fundada polos españois en 1513, o seu porto fluvial á beira do río Cauto acadou grande importancia comercial, pero declinou ao atuírse con sedimentos. A cidade foi escenario de varias accións de sona nas guerras de independencia da segunda metade do s XIX.

CIDADES

Cidade de Porto Rico, á beira do río Bayamón e ao S da Sierra de Luquillo, ao SO de San Juan (220.262 h [1990]).

PERSOEIRO

Político e economista turco. En 1924 fundou o Banco Is, en 1932 foi ministro de Economía e entre 1937 e 1939 primeiro ministro. Logo de fundar o Partido Democrático (1945), foi elixido Presidente da República en 1950 e reelixido en 1954 e en 1957. Foi derrocado por un golpe de estado militar no 1960 e condenado a morte por alta traición en 1961, pena que lle foi commutada pola de cadea perpetua. En 1964 foi posto en liberdade e, en 1966, amnistiado.

PERSOEIRO

Fotógrafo francés. Creou un procedemento de papel negativo a base de ioduro de prata. Adiantou o daguerrotipo. Xa desde 1837 experimentaba coa cámara escura e con papel fotosensible, desenvolvendo un traballo semellante ao que facía Talbot. A partir de 1842 competiu cos calotipistas ingleses e en 1855 inaugurou un estudo fotográfico para retratos.

PERSOEIRO

Cuarto Sultán mameluco bahrita. Escravo de orixe, destacou ao servizo dos aiúbidas, e a raíz da Batalla de ‘Ayn Ǧ ālūt (preto de Nazaret) apoderouse do Sultanato. A xesta heroica Sīrat Baybars e un conto de As mil e unha noites cantan o seu prestixio.

CAPITAIS

Capital da baladiyyā de Gebel el Achdar, Libia (67.120 h [1984]).

PERSOEIRO

Artista e deseñador gráfico austríaco. Fixo estudios de arquitectura, tipografía e pintura mural na Bauhaus, onde foi profesor entre os anos 1925 e 1928. Despois estableceuse en Berlín, onde traballou como grafista publicitario; neste eido cómpre destacar as experiencias que desenvolveu para lograr a plena integración da fotografía no campo da publicidade. No ano 1938 exiliouse nos EE UU e unha vez rematada a Segunda Guerra Mundial relacionouse co Institute of Humanistic Studies de Aspen (Colorado), do que proxectou o seu edificio. Dende 1953 preocupouse sobre cuestións do contorno, de xeito que concibiu algunhas obras (o Marble Garden, 1955, e o Grass Monument para o Instituto de Aspen) consideradas como as pioneiras do land art.

PERSOEIRO

Astrónomo alemán. Confeccionou o primeiro atlas celeste, Uranometría (1603), onde designa as estrelas cunha nomenclatura de tipo científico. Ordenou as estrelas dunha constelación segundo o seu brillo relativo. Estableceu doce novas constelacións austrais e unhas cincocentas estrelas máis das catalogadas por Tycho Brahe.