"Fene" (Contén)

Éter aromático coñecido co nome comercial de fenacetina. Emprégase como antipirético e analxésico. Pode producir nefropatía e estivo considerada substancia canceríxena.

Banda de gaitas fundada en 1987 no concello de Fene polo gaiteiro Ramiro Couce Amado (Fene 1942 - 1997). En 1996, xa baixo a dirección do gaiteiro Miguel Doval González, Airiños de Fene acada o 1º premio no II Certame Galego de Grupos e Bandas de Gaitas na modalidade de “Grupos Tradicionais”. Dende 1988 son organizadores do festival de carácter anual Xuntanza de Xoves Gaiteiros, coa correspondente homenaxe a diversos músicos e grupos de gaitas polo seu quefacer. Esta entidade posúe así mesmo grupo de baile tradicional.

alfaneiro.

Acción de defenestrar.

Acción popular ocorrida en Praga o 30 de xullo de 1419 na que os seguidores de Jan Hus botaron pola fiestra a sete conselleiros católicos do Rei Venceslao IV.

Golpe de estado protestante producido en Praga o 23 de maio de 1618. Un grupo de nobres bohemios calvinistas asaltaron o pazo real e tiraron pola fiestra dous conselleiros reais e un secretario. Un goberno provisional substituíu o consello do rei e as forzas protestantes ocuparon o país. Este feito foi unha das causas da Guerra dos Trinta Anos.

Periódico político aparecido na vila coruñesa de Fene a partir de setembro de 1988. De tendencia socialista e nacionalista, recollía as principais reivindicacións do Partido Socialista Galego-Esquerda Galega (PSG-EG).

Que fenece.

Raposo que conta cunha altura na cruz duns 20 cm, entre 36 e 41 cm de lonxitude dende a cabeza ao corpo, entre 18 e 30 cm de cola, e un peso de 1,5 kg. A cabeza presenta un fociño relativamente curto e grandes orellas triangulares, de ata 15 cm de longo, que lle serven, ademais de para captar os máis lenes sons, como superficie de irradiación do exceso da calor corporal. A pelaxe é longa e lanosa, de cor amarelada, máis escura no lombo, e ás veces cunha mancha escura na base da cola. Os pés tamén aparecen cubertos de pelo, feito que lle permite un certo illamento do solo. Habita nas sabanas e nos desertos de África setentrional e occidental, Israel, Kuwait e Omán. Aliméntase principalmente de rilladores, aves, réptiles, insectos e ás veces ovos, froitos e outras materias vexetais; ten unha gran capacidade para pasar longos períodos sen beber. Forman pequenas greas familiares de ata 10 individuos e as femias paren de dúas a cinco crías en tobos, que tapizan interiormente de pelo e plumas.

Relaxante da musculatura esquelética que se emprega no tratamento dos estados espásticos hipertónicos e hipercinéticos e como relaxante muscular en cirurxía, en substitución do curare.

Museo fundado en 1984 na Casa da Cultura de Fene dedicado ao humor. É o primeiro no seu xénero en toda España e nas súas salas poden contemplarse máis de mil orixinais de humoristas gráficos de todo o mundo, entre outros, Chumy Chúmez, Fontanarrosa, Xaquín Marín, Siro e Mort Walker. Convoca anualmente os premios Curuxa do Humor nas vertentes gráfica, literaria e fotográfica, e organiza as Xornadas do Humor. Edita o boletín Sapoconcho.

Extirpación cirúrxica da vea safena para o tratamento das varices.

Antiga rexión de Asia Menor, situada ao S de Armenia, entre o Tigris e o Éufrates, o Tauros e Antitaurus. Conquistada por Ciro (s VI a C), seguiu a sorte de Armenia. Foi disputada por capadocios, persas, romanos e bizantinos.