"Patriot" (Contén)

Aquel que nega ou se opón ao concepto de patria.

Que ou aquel que é contrario ao patriotismo.

Persoa natural ou habitante do mesmo país que outra ou outras.

Periódico editado en Santiago de Compostela a partir do 15 de outubro de 1812. Cesou entre os anos 1813 e 1815. Fundado e dirixido por Xosé Verea Aguiar, imprimíase nos obradoiros tipográficos de Xoán María Pazos. Como defensor das ideas constitucionais, colaboraron nel Sinforiano López Alia e outros intelectuais de corte liberal.

Periódico aparecido o 29 de febreiro de 1820 na Coruña e que posiblemente rematou a súa edición no mesmo ano. Na súa cabeceira incluíu o lema “Viva el Rey por la Constitución”. Redactado e impreso por Sebastián Iguereta, contou co apoio da Xunta Suprema do Reino de Galicia, ao igual ca o Diario Constitucional de La Coruña, tamén liberal, pero máis radicalizado nas súas formulacións. Dos seus contidos destacan novas de carácter económico, partes oficiais, bandos e providencias da Xunta, datos referidos aos movementos das tropas sublevadas en Andalucía e ás Cortes, e información sobre o ministerio de Guerra e do Exército Nacional de Galicia.

Mísil terra-aire estadounidense deseñado inicialmente para abater avións que voan a media altura, e reconvertido posteriormente para a loita antimísiles. Utilizáronse na Guerra do Golfo Pérsico contra o mísil Scud.

Persoa que estima profundamente a súa patria.

Xornal publicado en Santiago de Compostela a partir do 16 de xullo de 1809. Cesou o 29 de xaneiro de 1812. Continuador de Diario de Santiago, suspendido tras a invasión francesa, comezou sendo un diario de información xeral en que primaba a información lexislativa. A partir de 1810 comezou a defender as ideas liberais e foi suspendido entre maio e xullo de 1810.

Que ou quen ten unha admiración cega pola gloria do seu país.

Relativo ou pertencente aos patriotas ou ao patriotismo.

Organización política española fundada en 1924 por Miguel Primo de Rivera para substituír os partidos políticos que o seu réxime ditatorial prohibira. O seu lema era “Patria, religión, monarquía” e o seu propósito, a continuidade do réxime. Adheríronse antigos membros do Partido Conservador e militares que querían situarse no novo réxime. O presidente do seu comité nacional foi José Gabilán. Desapareceu tras a caída de Primo de Rivera.