clinómetro

Aparello de medición da horizontalidade dunha aeronave.

Aparello de medida do ángulo de inclinación con respecto á horizontal dun estrato, dunha fractura, dun chan xistoso ou da pendente dun terreo. A forma máis simple consiste nun círculo graduado provisto dunha agulla pendular. Emprégase nos traballos de planimetría arqueolóxica.

Instrumento de a bordo usado para medir a amplitude do balanceo do barco e a escora. Consiste nun índice, a xeito de péndulo, co extremo inferior en desprazamento ao longo dun círculo graduado situado no plano transversal da embarcación.