conectador -ra

Que conecta.

Dispositivo empregado para conectar dous circuítos ou sistemas eléctricos, formado por dúas pezas cunha serie de contactos metálicos que se poden encaixar unha coa outra co fin de establecer a conexión entre os contactos correspondentes. Poden ser de diversos tipos, segundo a disposición de contactos (en forma circular, rectangular, en liña, etc) e empréganse en cables, aparellos, circuítos impresos, etc. Os conectadores para circuítos impresos son lineais cunha ou dúas series de contactos e teñen unha separación ou paso entre contactos sucesivos de 0,1 ou 0,2 polgadas (2,54 mm ou 5,08 mm).