Dión

Rei lendario de Laconia. Casou con Anfítea, filla de Prónax, coa que tivo tres fillas: Orfe, Lico e Caria. Acolleu a Apolo nas súas viaxes por Laconia. En recompensa polos seus servicios, concedeulles o don profético ás tres fillas coa condición de que non revelasen os secretos dos deuses. Pero un día, Orfe e Lico, esquecendo a promesa, espreitaron a súa irmá Caria cando estaba co seu namorado Dionisio e foron transformadas en rochas e Caria nunha nogueira.