electronegatividade

Capacidade que ten un átomo para atraer cara a el os electróns do enlace covalente que forma con outro átomo; isto é, tendencia que presenta un átomo a compartir desigualmente os electróns do orbital ou dos orbitais do seu enlace. A escala de electronegatividades foi calculada por primeira vez por L. Pauling a partir dos momentos dipolares, electronegatividades e potenciais de ionización, que estableceu o valor 4,0 para o fluor. A electronegatividade emprégase para calcular o carácter iónico dun enlace e tamén para calcular, de xeito aproximado, a lonxitude de enlace a partir da dos radios covalentes.