encargar

1. v t

   Poñer a alguén ao cargo de algo ou alguén.

   Ex: Encargoulle ao xerente as contas da empresa.

   Sinónimos: encomendar, confiar.
2. v t

   Mandar a alguén que realice un traballo ou unha xestión.

   Ex: Encargáronlle o artigo a un dos xornalistas de máis sona.

3. v t

   Pedir a alguén que traia ou subministre algunha cousa.

   Ex: Encargou dous pares de zapatos do número corenta e cinco.

4. v pron

   Poñerse alguén ao cargo de algo ou alguén.

   Ex: Os veciños encargáronse de lle gardar a correspondencia. Os avos encárganse do neto á tarde.

Frases feitas

• Encargar o berce antes do rapaz. Obrar na orde incorrecta ou ilóxica.