factor -ra

Cada un dos elementos ou circunstancias que contribúen a producir un resultado.

Cada unha das variables causais, ás veces non medibles direccionalmente, que inflúen ou poden influír sobre un resultado medible. Cando os factores son directamente medibles, faise o estudo mediante planos de experiencias factoriais e a análise da varianza; cando non o son, faise mediante a análise factorial. Neste caso distínguese entre os factores comúns, cando inflúen sobre a realización de distintas variables observables, e os factores específicos, cando inflúen só sobre a realización dunha variable observable.

Número que expresa o cociente de dúas magnitudes da mesma especie, polo que é adimensional. OBS: A miúdo, os factores confúndense cos coeficientes, que son cocientes de magnitudes de distinta especie e, polo tanto, valores numéricos con dimensións.

Cada un dos feitos que determinan o clima dun lugar concreto, que poden ser constantes ou variables. Os principais son a latitude, que determina a duración do día e das distintas estacións do ano e tamén a intensidade da insolación; a altitude, que provoca a diminución da presión atmosférica e das temperaturas e un incremento das precipitacións; o afastamento do mar ou continentalidade, pois a capacidade do océano de conservar a calor é maior ca a da terra, de maneira que o mar ten unha influencia moderadora do clima; e o relevo, que permite ou impide, segundo a súa disposición, a circulación das masas de aire e inflúe nas precipitacións. Ademais, existen outros factores climáticos secundarios, como as correntes mariñas, as augas continentais (ríos, lagos, encoros), os solos, a vexetación e a acción antrópica.

Diferencia entre a carga nuclear real e a carga nuclear efectiva sobre un electrón externo. Representa o efecto de apantallamento dos electróns situados nas capas internas sobre a carga nuclear. Tamén se denomina constante de apantallamento.

Parámetro que representa a dispersión da ganancia ao redor da frecuencia de resonancia, nun circuíto LC resoante. Defínese como:


FORMULA

Proteína de pequeno peso molecular producida por algunhas bacterias, como Streptococcus pneumoniae, que se excreta ao medio extracelular e que, cando chega a unha concentración determinada, permite que a bacteria poida captar ADN esóxeno no proceso de transformación bacteriana.

Cociente entre a potencia activa e a potencia aparente dunha corrente alterna. Se as correntes son sinusoidais, o factor da potencia é igual ao cos ϕ, onde ϕ é o desfasamento entre a tensión e a corrente.

Recurso utilizado na produción de bens e servicios. Tradicionalmente, as categorías consideradas como factores foron os recursos naturais, o traballo e os bens de capital, aos que algúns autores lle engadiron a empresa ou a organización como cuarto factor ou factor residual. Segundo as peculiaridades técnicas, poden ser clasificados en específicos e versátiles (que presentan o problema da súa asignación óptima), en fixos e variables (segundo que o custo sexa proporcional ou non ao volume de produción) e en divisibles ou indivisibles (pódense axustar exactamente ás necesidades das combinacións óptimas de factores ou se han de ser empregadas nunhas cantidades determinadas).

Proporción en peso que hai dun elemento dentro dun composto químico. Utilízase cando non é posible pesar directamente o elemento que se quere analizar, senón que se precipita e se pesa combinado con outro composto.

Factor ambiental que limita o desenvolvemento dun organismo ou dunha poboación cando non está dispoñible. En condicións óptimas, os organismos teñen tendencia a crecer e a reproducirse a unha velocidade ideal chamada fisiolóxica. A ausencia dun factor vital retarda este crecemento dos organismos e incluso chega a anulalo. Tamén se consideran factores limitantes os que limitan o crecemento cando están presentes no medio en cantidades que exceden os niveis de tolerancia de determinados organismos ou poboacións.