Frankfurt, Asemblea Nacional de

Asemblea constituínte reunida en Frankfurt (1848-1849) para dar unha constitución á Confederación Xermánica. Despois dos movementos revolucionarios de 1848, un grupo de liberais formou unha comisión (Vorparlament) para organizar as eleccións, que se fixeron por sufraxio universal. A Constitución, votada en marzo de 1849, estableceu o imperio hereditario da pequena Alemaña, excluíndo Austria, e ofreceu a coroa a Federico Guillerme IV de Prusia. Este rexeitouna e a asemblea trasladouse entón a Stuttgart, pero foi disolta en xuño de 1849.