guanidina

Imina que deriva da urea. É unha substancia incolora, soluble en auga, fortemente básica que se obtén por tratamento da urea con amoníaco a presión. Atópase na arxinina, creatina, creatinina e na guanina, de onde se obtivo, por primeira vez, por degradación. É o axente desnaturalizante de proteínas máis forte, propiedade que o fai útil en experimentación bioquímica. A guanidina e os seus sales empréganse na preparación de medicamentos, explosivos ou colorantes.