infinito -ta

1. adx

   Que non ten fin ou límite.

2. adx

   Que non se pode medir ou contar por ser moi numeroso.

3. adx e s [FILOS]

   Aplícase ao ser que non ten límite na súa propia perfección. A escolástica distinguiu entre o infinito categoremático ou actual, que exclúe positivamente todo límite, como sería o caso de Deus; e o infinito sincategoremático ou potencial, que é finito en si pero potencialmente infinito.

4. adx [MAT]

   Aplícase ao conxunto que se pode poñer en correspondencia bixectiva cun subconxunto estricto seu.

5. adx [MAT]

   Aplícase ao valor máis grande ca calquera outro que se poida dar. Represéntase co símbolo ∞. Así, dise que unha variable x tende ao infinito (x → ∞) ou que unha función f(x) tende ao infinito para x → a  lim f(x)=∞
   
   
   FORMULA
   
   
                               x‡a

6. Aplícase ao conxunto de formas do verbo que, ordinariamente, carecen de categoría de persoa gramatical. Corresponden a estas formas verbais o infinitivo (coller), o xerundio (collendo) e o participio (collido). OBS: Oponse ao termo finito.

7. Aquilo que non ten límite nin no espazo nin no tempo, especialmente o espazo ilimitado.

Citas

• Pasaba horas e horas contemplando o infinito.