Mari-Gaila, Teatro da

Grupo de teatro creado en Santiago de Compostela en 1978 por Xulio Lago e Dorotea Bárcena. Foi un dos primeiros colectivos en apostar pola profesionalización e os seus traballos destacaban por un forte expresionismo. Algúns dos seus espectáculos foron O agnus dei dunha nai (1980), sobre un texto de Dorotea Bárcena, Ensaio festivo para unha marcha fúnebre (1981), con textos de Griselda Gambarro, Acto Cultural (1981), de J. I. Cabrujas, e A noite das tríbades, de Per Olov Enquist, todos eles dirixidos por Xulio Lago.