mesquiño -ña

1. adx e s

   Que ou quen non ten nobreza nin xenerosidade.

   Ex: Dunha persoa mesquiña coma el non esperes nada. O mesquiño non a acolleu na súa casa.

2. adx e s

   Que ou quen escatima no que gasta ou no que dá.

   Ex: Hai que ser unha persoa moi mesquiña para aforrar en comida. Sempre foi un mesquiño, por aforrar só comía unha vez ao día.

3. adx

   Que é pobre ou ten falta do necesario.

   Ex: Co novo traballo mellorou a vida mesquiña que levaba.

4. adx

   Que é insuficiente ou pouco abundante.

   Ex: Danlle unha axuda mesquiña, non lle chega a nada.

Refráns

• Morre de sede o mesquiño e está no medio do río.
• Na casa do mesquiño, cando hai para pan, non hai para viño.