¹ paso

1. Aplícase á froita secada polo sol ou por outro procedemento.

2. s m

   1. Acción de pasar dun lugar a outro.

      Ex: A policía prohibiulles o paso aos manifestantes.

      Sinónimos: pasada, pasaxe.

   2. Acción de pasar ou transitar as aves dunha rexión a outra nas súas migracións.

      Ex: A gaivota gallada é unha ave de paso ou invernante nas costas galegas.

   3. Acción de deixar algo atrás.

      Ex: O paso do tempo fixo que comprendese a decisión de seus pais.

3. s m

   Movemento que fai unha persoa cando camiña, levantando e adiantando un pé ata volver pousalo no chan.

   Ex: Eu estaba durmindo e non oín os seus pasos.

   Sinónimos: pasada.
4. s m

   Espazo que comprende cada un dos movementos que se realizan ao camiñar e que abrangue a distancia entre os dous pés, cando estes están pousados.

   Ex: Do sofá á televisión hai cinco pasos.

   Sinónimos: pasada.
5. s m

   Maneira ou velocidade de andar.

   Ex: O seu paso lento cánsame. Cambiou o paso para adiantalo.

6. [BÉL]
   1. s m

      Cada unha das maneiras de marchar a tropa.

   2. marcar o paso

      Realizar o movemento de paso pero sen avanzar nin retroceder.

   3. paso de ganso

      Paso de desfile dalgúns exércitos, especialmente o alemán, caracterizado pola rixidez e gran elevación alternativa de cada unha das pernas.

7. s m

   Maneira natural de camiñar as cabalarías cando levantan unha soa pata no aire, de xeito que o animal se sosteña alternativamente coas patas da esquerda e da dereita, sen avanzar a saltos.

8. s m

   Cada un dos movementos con que se executa un baile.

   Ex: Hoxe aprendimos dous pasos novos da muiñeira.

9. s m

   Unidade de medida de gasto nun contador.

   Ex: Cobroume dous pasos do teléfono.

10. s m

    Cada unha das pezas horizontais dunha escada ou escaleira, onde se pisa cando se sobe e baixa.

    Ex: A escaleira da miña casa ten moitos pasos.

    Sinónimos: banzo, chanzo, pasal.
11. s m

    Cada unha das pedras que se colocan en fileira nunha corrente de auga para poder pasar sen mollar os pés.

    Sinónimos: pasadoiro, pasal, peal.
12. 1. s m

       Lugar ou sitio por onde se pode ou se debe pasar.

       Ex: Cruzamos o río polo paso.

    2. s m

       Estreito xeográfico.

       Ex: O paso de Calais comunica o canal da Mancha co mar do Norte.

    3. paso de peóns

       Lugar dunha estrada ou rúa sinalado con franxas brancas paralelas por onde poden cruzar os peóns con preferencia de paso sobre os vehículos.

13. s m

    Sinal ou marca do pé que queda cando se anda.

    Ex: A auga borrou os pasos da area.

    Sinónimos: pasada, pegada.
14. 1. s m

       Cruzamento de dúas liñas de comunicación.

    2. paso a nivel

       Cruzamento dunha estrada ou dun camiño cunha vía de ferrocarril ao mesmo nivel, provisto xeralmente dunha barreira co fin de cerrar o paso cando o tren pasa ou está para pasar.

15. s m

    Dereito a pasar por terras ou lugares alleos.

    Sinónimos: pasantía, pasaxe, serventía.
16. s m

    Situación ou conxunto de circunstancias na vida dunha persoa.

    Ex: Tes que saír do paso como sexa. O sacerdocio é un paso que tes que meditar.

17. s m

    Progreso conseguido na resolución de algo.

    Ex: O ascenso que conseguiu foi un gran paso na súa vida profesional.

18. s m

    Cada unha das xestións ou dilixencias que hai que seguir para a realización dalgunha cousa.

    Ex: Para chegar alí seguiu os pasos que lle dixeran.

19. [RELIX]
    1. s m

       Cada un dos acontecementos principais da Paixón de Xesús Cristo que se conmemoran na Semana Santa.

    2. s m

       Figura que representa cada un destes acontecementos.

    3. rito de paso

       Conxunto de ritos que, segundo A. Van Gennep (1909), acompañaban o cambio de condición na vida do individuo ou da colectividade e que os sacralizan: nacemento, condición de adulto, matrimonio, morte, guerra, etc.

20. s m [ESPECT]

    Peza dramática moi breve, xeralmente cómica ou satírica, que adoitaba intercalarse nas representacións teatrais de obras máis longas.

21. s m pl [DEP]

    Falta en que incorre un xogador, nalgúns deportes como o baloncesto ou o balonmán, cando avanza máis dos pasos permitidos sen botar a pelota.

22. [TECNOL]
    1. s m

       etapa.

    2. s m

       Distancia entre dúas irregularidades consecutivas, especialmente dunha ferramenta, que se repiten periodicamente.

    3. paso de bobina

       Número de dentes que separan as fendas onde se colocan os dous lados dunha bobina dun rolo de tambor, nunha máquina eléctrica.

    4. paso de hélice

       Distancia que unha hélice podería avanzar a cada revolución no sentido da rotación, se xirase dentro dunha porca sólida e fixa. Denomínase tamén paso xeométrico para diferencialo do paso efectivo, que é a distancia que a hélice avanza realmente a cada volta.

    5. paso de rañura

       Distancia periférica entre dúas rañuras consecutivas nunha máquina eléctrica.

    6. paso de rosca

       Distancia entre dous puntos homólogos dun filete dun parafuso ou dunha porca, medido paralelamente ao seu eixe, que equivale á separación entre dúas voltas consecutivas do mesmo filete e que corresponde ao avance do parafuso ou da porca nunha volta.

    7. paso dental

       Distancia entre os puntos correspondentes de dous dentes consecutivos nunha máquina eléctrica.

    8. paso diametral/transversal

       Módulo dunha roda dentada dunha engrenaxe. Cando os dentes son helicoidais, distínguese o paso diametral frontal do paso diametral normal.

    9. paso primitivo/circular

       Distancia entre dous puntos homólogos de dous dentes consecutivos dunha roda dentada dunha engrenaxe, medida sobre o círculo primitivo.

    10. paso polar

        Distancia periférica entre os puntos que ocupan a mesma posición sobre dous polos consecutivos, nunha máquina eléctrica.

23. notas de paso [MÚS]

    Notas que vinculan melodicamente dúas notas. A unión realízase por graos, diatónicos ou cromáticos, ascendentes ou descendentes.

24. paso dun astro polo meridiano [ASTRON]

    Instante en que, para un observador situado nun lugar da superficie terrestre, o astro pasa exactamente polo meridiano do lugar. Emprégase para efectuar determinacións horarias e para resolver problemas de astronomía de posición.

25. paso inocente [DER]

    Dereito dos buques que comprende o de deterse e fondear no mar territorial dun Estado, nos casos en que constitúa incidente normal da navegación, ou por unha arribada forzosa ou perigo extremo. Os submarinos deben realizalo navegando na superficie e mostrando a súa bandeira.

Frases feitas

• 1 Aproveitando a circunstancia que se expresa. Ex: De paso que vas á carnizaría traes tamén un quilo de chourizos.

• A cada paso. Con frecuencia. Ex: Vaino visitar a cada paso.

• A paso de boi/de tartaruga. Lentamente.

• Dar o primeiro paso. Iniciar algo.

• Dar un paso en falso. Equivocarse nunha acción.

• 2 Por un breve espazo de tempo. Ex: Non teño tempo de ir á túa casa porque estou de paso.

• A dous pasos. A pouca distancia.

• A este/ese paso. Deste xeito. Ex: A ese paso non comemos nunca.

• A paso. A modo. Ex: Tes que ir a paso se non te queres cansar.

• Andar en malos pasos. Estar metido en actividades pouco recomendables.

• De paso loc adv

• Non (dar) saído do paso. Non dar rematado un asunto ou tarefa. Ex: Non sei que facer, non dou saído do paso.

• Non ver cousa ao/ó paso. Resultar algo estraño ou causar asombro. Ex: Non vin cousa ao paso, que pillabán es!

• Paso a paso. Pouco a pouco.