R.A.I.G.

Revista publicada en Vigo a partir de xaneiro de 1935. Cesou a comezos de 1936. Subtitulada “Revista artística ilustrada de Galicia (RAIG)-Ilustrated Artistic Review of Galicia”, foi editada por un grupo de estranxeiros residentes en Galicia co obxecto de fomentar o turismo na comunidade. Fundada e dirixida por Carlos Bock Bremer, editouse cada mes nos obradoiros de Faro de Vigo. Incluíu artigos sobre arte, industria, comercio e turismo, redactados en castelán, galego, inglés, francés e alemán.