tracio -cia

1. adx
  Relativo ou pertencente á rexión histórica de Tracia ou aos seus habitantes.
2. s
  Natural ou habitante da rexión histórica de Tracia.
[ETN/HIST]
1. adx
  Relativo ou pertencente ao pobo tracio.
2. s
  Individuo do pobo tracio.
3. s m pl
  Pobo que habitou a rexión histórica de Tracia desde o Paleolítico Superior. Posteriormente amosou aspectos da civilización neolítica e eneolítica. Coñecedores da cerámica e practicantes da inhumación dos cadáveres, cesaron a súa actividade arredor do segundo milenio a C, a causa da chegada doutros pobos indoeuropeos procedentes do N que se estableceron na rexión e foron coñecidos sucesivamente co nome de tracios.
s m [LING]
Lingua do phylum indoeuropeo que falaban os tracios. Só se conservan dúas inscricións de interpretación dubidosa que se refiren a nomes de plantas, de pobos e de lugares.

Palabras veciñas