² traza

1. s f [ARQUIT]

   1. Deseño ou proxecto dunha construción.

   2. Liñas xerais dunha estrutura ou edificio. OBS: Nesta acepción adoita empregarse en plural.

2. s f

   Modo ou aparencia como se presenta á vista unha persoa ou unha cousa.

3. s f

   Habilidade para facer un traballo.

4. s f [FÍS]

   Traxectoria que describe un punto luminoso na pantalla dun tubo catódico.

5. [QUÍM]
   1. s f

      Compoñente dunha mestura que aparece en moi pequena proporción.

   2. análise de trazas

      Conxunto de técnicas analíticas que se empregan para identificar e determinar as trazas de elementos ou compostos mesturados. Na análise de trazas de elementos, as técnicas máis apropiadas son as colorimétricas e espectroscópicas, cando se traballa en solución, e as análises de activación neutrónica e de fluorescencia de raios X para mostras sólidas. Das técnicas máis habituais na análise de trazas de compostos destacan as espectroscópicas ou o uso combinado da cromatografía de gases e a espectrometría de masas.

Frases feitas

• Non ter traza. Ser algo difícil de amañar.