abater

1. v t

   Facer caer ou botar ao chan algo.

   Ex: O forte temporal abateu o tellado da escola. 

   Sinónimos: derribar, derrubar. Antónimos: construír, elevar, erguer. Confrontacións: destruír.
2. v t

   Matar con violencia unha persoa ou animal facéndoos caer ao chan.

   Ex: O exército revolucionario abateu centos de persoas. O cazador coa súa escopeta abateu unha pega. 

3. v t

   Baixar ou facer descender unha cousa erguida ata poñela en posición horizontal.

   Ex: Os dous estaban dentro do coche e decidiron abater os asentos para estar máis cómodos. 

4. v t

   Facer perder a alguén a forza física ou moral, a coraxe ou o vigor.

   Ex: Aqueles desgraciados abatérono con esas malas novas. 

   Sinónimos: aplanar, debilitar, desfalecer. Confrontacións: deprimir, desanimar.
5. v pron

   Perder a forma e a forza física ou ben a moral, a coraxe ou o vigor.

   Ex: Non podes abaterte polas cousas que pasaron. 

6. v pron

   Caer ou vir para abaixo algo que estaba erguido.

   Ex: Coa forte chuvia abateuse o valado do pasto. 

7. v pron

   Inclinarse un corpo cara ao chan.

   Ex: As pólas do limoeiro abatéronse de tanto peso que tiñan. Os folgistas abatéronse detrás das árbores para despistar a policía. 

8. v pron [MAR]

   Separarse unha nave cara a sotavento do rumbo que tiña que seguir.

   Sinónimos: derivar.
9. [XOGO]

   Nos xogos de naipes, mostrar o xogo aos outros xogadores poñendo as cartas cara a arriba.

Frases feitas

• Abaterse o corazón. Recibir un forte susto. Ex: Abatéuseme o corazón cando non era quen de controlar o coche.