buscar

1. v t

   Facer algo para encontrar unha determinada cousa ou unha persoa.

   Ex: Buscou durante toda a mañá o anel que perdeu no cuarto. Busquei a solución ó problema nos libros de aritmética. Durante toda a súa vida só buscou o recoñecemento dos demais. 

   Sinónimos: procurar.
2. v t

   Estudiar coidadosamente unha cuestión policial ou científica para atopar a solución.

   Ex: Os policías buscan desde hai dous días a nena desaparecida. Os científicos buscan insistentemente unha vacina para a SIDA.

   Sinónimos: investigar.

Frases feitas

• Buscar a un. Proferir ou dicir expresións que poidan incitar ao enfado.

• Buscar mundo. Percorrer o mundo buscando os medios para vivir.

• Buscar alguén a vida. Procurarse os medios de subsistencia.

• Buscar alguén de capa negra en Santiago. Buscar algo que é moi difícil de atopar por falta de datos.

• Buscarlle a corte ao boi vello. Querer ensinarlle algo a alguén que xa ten moita experiencia.

• Buscarlle a lingua a alguén/buscarlle a(s) volta(s)/buscarlle as cóxegas/ buscarlle o xenio a un. Provocar ou facer falar de máis a alguén. Ex: Non se pode falar con ela porque só fai buscarme a lingua.

• Buscarlle o vulto a alguén. Darlle onde lle doe a alguén. Ex: Non é moi querido polos veciños porque sempre lles anda a buscar o vulto.

• Buscarlle os catro/tres pés ao gato. Buscar problemas ou imposibles. Ex: Falemos do que falemos sempre lle busca tres pés ao gato.