escrito -ta

1. p irreg

   de escribir.

2. adx

   Que se expresa ou representa mediante a escritura.

   Ex: Non se conservan documentos escritos desa lingua. 

3. s m

   1. Calquera cousa escrita.

      Ex: Durante a investigación atopei uns escritos do s XV. 

      Sinónimos: escritura.
   2. [ETN]

      Texto que funciona como amuleto protector contra o mal de ollo e o meigallo. Adoitaba estar escrito en latín ou castelán e pendurábase do colo dunha persoa ou na trabe da mesma casa, co fin de preservar dos malos espíritos.

4. [DER]
   1. s m

      Documento que se redacta para facer constar un acto ou contrato.

   2. s m

      Documento presentado á autoridade xudicial ou administrativa para reclamar un dereito ou formular unha petición.

   3. escrito de agravio

      Escrito no que o que apelaba expoñía diante do tribunal superior os agravios que cría que recibira do inferior e demandaba que a sentencia destes fose revogada ou modificada.

   4. escrito de conclusións

      Escrito que, ao rematar a primeira instancia do xuízo, cada litigante presenta para compilar as súas probas e críticar as do contrario.

Frases feitas

• Estar escrito. Ter que suceder inevitablemente. Ex: Estaba escrito que ías chegar lonxe.

• Por escrito. Por medio da escritura. Ex. Tes que presentar as túas demandas por escrito.