afogar

1. v t

   Matar a unha persoa ou animal impedíndolle respirar.

   Ex: Afogárona cunha corda esta pasada noite.

   Sinónimos: esganar, estrangular. Confrontacións: asfixiar.
2. v t

   Facer complicada a respiración dun animal ou persoa.

   Ex: Non o afogues que aínda lle vas provocar dano.

   Sinónimos: abafar, asfixiar, atafegar, sufocar.
3. v pron

   Matarse un mesmo impedíndose a respiración.

   Ex: Afogouse coa gravata.

4. v i

   Morrer de xeito involuntario na auga.

   Ex: O seu can afogou cando caeu no mar. Afogou mentres facía pesca submarina ó carón das Cíes.

5. v t

   Facer que unha cousa deixe de aparecer ou existir.

   Ex: Afogaron todo intento de recuperación da empresa.

6. v i

   Ter sensación de afogo ou de perda de respiración.

   Ex: Marchou do velorio porque afogaba coa calor.

   Sinónimos: abafar, acorar. Antónimos: desabafar. Confrontacións: alasar, ampear, bafexar.

Frases feitas

• Afogar a semente. Non reproducirse a semente.

• Afogar coa xente. Estar incómodo nun lugar no que hai moita xente.

• Afogar de calor. Ir moita calor.

• Afogar en pouca auga/nun vaso de auga. Sentirse derrotado ante un pequeno obstáculo.