apagar

1. v t

   Facer cesar o lume ou a luz.

   Ex: Apaga o cigarro ben non vaias queimar algo. Apaga a luz durante uns minutos e poderás ver as estrelas brillar no ceo.

   Sinónimos: matar. Antónimos: acender, prender. Confrontacións: extinguir, sufocar.
2. v t

   Diminuír o brillo ou a intensidade dunha cor.

3. v t

   Facer desaparecer sensacións, desexos ou sentimentos.

   Ex: Para apagar o seu ánimo necesitamos moita paciencia.

   Sinónimos: disipar, esvaer. Antónimos: avivar.
4. v pron

   Cesar a luz ou o lume.

   Ex: Apagouse o forno e agora non sei acendelo correctamente. O lume apagouse con tanta auga que lle botaches.

5. v pron

   Facer desaparecer sensacións, desexos ou sentimentos.

   Ex: A vitalidade apágase co correr dos anos. Apagouse a dor e agora xa non sinto nada.

6. v t

   Provocar un astro a eclipse doutro.

   Ex: A luz do Sol apaga a das estrelas.

   Sinónimos: eclipsar.
7. v t

   Converter o cal vivo en cal morto botándolle auga.

   Sinónimos: matar.
8. v t [MAR]

   Facer que as velas saquen o vento que as infla pregándoas.

9. apagar equipo [INFORM]

   Opción de menú do sistema operativo Mac OS coa cal se pecha este ao mesmo tempo que se interrompe o funcionamento do ordenador no que está instalado.

10. apagar o sistema [INFORM]

    Opción de menú do sistema operativo Windows que implica pechar este e coa cal queda acendido, sen embargo, o ordenador no que aquel está instalado.

Frases feitas

• Apagar a sede. Saciarse de beber.

• Apagárselle os aires. Acabárselle a alguén o orgullo.