atopar

1. v t

   Localizar algunha cousa ou a alguén que se estaba buscando ou sen buscala.

   Ex: Aínda non atopei os fíos que ando buscando. Ía pola rúa e atopei a Xoán.

   Sinónimos: encontrar, topar. Antónimos: perder, perder.
2. v t

   Chegar a dispor dalgunha cousa.

   Ex: Cando atopes un oco libre do teu tempo vén falar comigo.

   Sinónimos: encontrar, topar.
3. v t

   er algunha cousa ou a algunha persoa despois de moito tempo sen vela.

   Ex: Atopei os teus pais moi cambiados. Despois de vinte anos atopou a aldea irrecoñecible.

   Sinónimos: encontrar, topar.
4. v t

   Xulgar que alguén está dunha determinada maneira.

   Ex: Non o atopo moi ben, mais ben parece que está enfermo.

   Sinónimos: encontrar, topar.
5. v t

   Descubrir a causa ou a solución dalgunha cousa.

   Ex: Atopei que gastara máis do que pensaba e por iso non me daban as contas. Aínda non atoparon os motivos do abandono da competición.

   Sinónimos: topar.
6. v pron

   Estar dun determinado xeito ou nun determinado lugar.

   Ex: Non queren casar, atópanse ben solteiros. Agora mesmo atópase de viaxe nalgún lugar de América.

7. v pron

   Reunirse dúas ou máis persoas nun lugar determinado.

   Ex: Atopámonos na porta da súa casa para ir ó teatro.

8. v i e pron

   er a alguén ou algunha cousa sen esperalo.

   Ex: Atopáronse cos teus avós na feira. Atopei con teu cuñado no circo.

Frases feitas

• Atopar a forma do seu zapato. Topar co adversario adecuado.

• Atopar a porta aberta. Ser ben recibido.

• Atopar a porta do fío. Topar o miolo dalgún asunto.

• Atopar o camiño aberto. Achar o exemplo ou a ocasión axeitados.

• Atopar o zapato que afai a un. Topar coa parella axeitada ou a alguén que se coñece moi ben.

• Atoparlle o pé coxo a alguén. Saberlle os defectos.

• Atoparlle o teto á vaca. Topar algunha cousa que pode ser rendible.

• Atoparse con encomendadas. Pararse en cousas que non teñen demasiada importancia.

• Atopou con quen as daba. Fixérono ser máis humilde.

• Non atopar acomodo. Non sentirse ben.

Refráns

• Acórdame agora que te atopo, que, se non te atopara, non me acordara.
• Atópanse os homes e non os montes.
• Cousa atopada non é roubada.
• Moitas veces atopan uns o que perderon outros.
• O atopado non é furtado.
• O que deixa, sempre atopa.
• O que sabe buscar, sempre algo ha de encontrar.
• Onde non hai nada, nada se pode atopar.
• Todos me atopan a min e eu non atopo a ni nguén.
• Vale máis atopalo que perdelo.