aurícula

Cavidade do corpo dos vertebrados que conduce o sangue das veas e que o leva ao ventrículo. Ten as paredes constituídas por tecido muscular, pero non é unha bomba impulsora do sangue tan potente como o ventrículo. Os peixes teñen unha soa aurícula; no resto dos vertebrados queda dividida en dúas por un tabique vertical.

Cada unha das dúas cavidades do corazón de moitos moluscos. Cada aurícula recibe o sangue dunha parte do corpo.

Apéndice foliáceo, xeralmente pequeno, de forma semellante a unha orella, situada no pecíolo ou ben na base do limbo da folla ou doutras estruturas vexetais.

Lóbulo foliar inferior campaniforme dalgunhas hepáticas.