Band-in-a-Box

Compositor de acompañamento MIDI, trátase dun programa informático usual para todos os músicos que empregan ordenadores, sexan Atari, PC ou Macintosh. Facer bosquexos, acompañamentos para exercitar cun instrumento ou cancións completas, son algunhas das funcións desta utilidade que resulta case indispensable, xa que a todos estes documentos se lles poden engadir melodías gravadas en tempo real dende un instrumento MIDI. Resulta posible realizar con ela harmonizacións en diferentes instrumentos solistas á melodía dunha canción ou crear directamente unha melodía improvisada seguindo a estrutura harmónica e os estilos de interpretación.