beber

1. Bebida composta de varios ingredientes de sabor e aspecto desagradable.

   Ex: Máis que unha sopa, isto parece unha beberaxe.

2. v t

   Engulir un líquido e facer que pase da boca ao estómago.

   Ex: Bebeu un pouco de leite.

3. v t

   Absorber un líquido.

   Ex: O papel secante bebe a tinta.

4. v i

   Tomar bebidas alcohólicas en gran cantidade.

   Ex: Despois de beber non se pode conducir.

5. v i

   Obter datos dunha determinada fonte (texto, persoa, documento, etc). OBS: Utilízase seguido das preposicións de ou en.

   Ex: Ferrín no Rei Artur bebeu dalgúns dos mitos da materia de Bretaña. Ese escritor bebeu nos clásicos.

Sinónimos

Confrontacións

Citas

• Máis que unha sopa, isto parece unha beberaxe.

Frases feitas

• Beber á bitola/de chope. Beber deixando caer o chorro desde certa altura.

• Beber a galupos/gulapos. Beber aos poucos ou espaciadamente.

• Beber a pote. Beber en gran cantidade.

• Beber a chorro. Beber sen interrupción deixando que caia o líquido desde o alto.

• Beber a morro Beber pondo os beizos no punto de onde mana o líquido (o bico do porrón, o orificio da botella, etc).

• Beber á saúde de alguén. Beber dúas ou máis persoas á vez despois dun choque de copas (como proba de amizade, polo bo logro, en sinal de bo desexo, etc). SIN: brindar. Ex: Propuxo beber á saúde dos noivos.

• Beber a saúde de alguén. Facer que alguén traballe moito.

• Beber ao garete. Beber por unha palla que atravesa a rolla da boca dun barril.

• Beber aos bocós. Beber con tragos grandes, enchendo a boca.

• Beber bágoas. Chorar afectadamente.

• Beber como as vacas na carrada/como un boi. Beber moito.

• Beber en pingotas. Beber pinga a pinga.

• Beber máis da conta. Emborracharse.

• Beber os aires/os ventos por alguén. Estar namorado.

• Beber os pensamentos de alguén. Preverllos.

• Beber traballos. Ter mala fortuna.

• Beber un goto/unha gurrispa/ unha pinga. Beber moi pouca cantidade.

• Beberlle a alguén os sangumiños. Deixalo sen diñeiro.

• Beberlle o sangue (a alguén). Desexar vingarse desa persoa ou realizar unha vinganza.

• Como beber con uvas. Dise cando non gosta algunha cousa.

• Non gañar a auga que bebe. Recibir un salario moi baixo.

• Sacar o paxaro a beber. Ouriñar.

• Sen comelo nin bebelo. Sen ter a culpa de nada.

Refráns

• A auga polo río abaixo vaia e pola gorxa non caia.
• A auga que deres ao teu señor non a mires ao sol.
• A ben comer ou mal comer, tres veces beber.
• A ben comer, beber hai que beber.
• A bo bocado, bo berro e bo xerro.
• A bo comer ou mal comer, tres veces beber.
• A bocado forte, trago de viño.
• A muller que o seu home queira ter gordiño, despois que coma o caldo, déalle un gotiño.
• A pouca comida, pouca bebida.
• A pouco viña ¡coidadiño!
• A pouco viña, pequeno traguiño.
• Auga ao figo e á pera viño.
• Auga bebas con figos e brevas.
• Auga fría e pan quente nunca fixeron ventre.
• Auga para os peixes, para os homes viño á feixes.
• Bebe despois do caldo e rite do "cirurxiano".
• Beber bo viño faino todo veciño; o que é malo, é beber viño malo.
• Beber e comer bo pasatempo é.
• Beber sen comer é cegar e non ver.
• Bebín auga porque non houbo auga; que, se auga houbera, viño bebera, se a tempo chovera.
• Bota viña e beberemos, xa que viña temas.
• Bótamo todo en viña e non en liño.
• Cando empeces a comer, acórdate de beber e non te acordes de comer.
• Cando está seca a garganta, non cría nin canta.
• Co caldiño bebe sempre un gotiño.
• Comer e non beber é coma cegar e non ver.
• Con brevas viño bebas; e con figos, auga e viño.
• Con caracois, figos e brevas, auga non bebas; pero o viño sexa tanto, que todo o que comas ande nadando.
• Con figos bebe auga ou viño.
• Con figos e brevas auga bebas.
• Con peras viño bebas e tanto sexa o viño que naden as peras.
• Con peras viño bebas.
• Con peras viño bebas; mais non sexa tanto o viño que afoguen as peras.
• Dáme o viña cando quixeres; mais despois do caldo non mo negues.
• Dixo o viño moi campante: No corpo do home son va/ente e voante e dixo o pan:.., se eu vou diante.
• Díxolle o touciño ao viño: ¡Ben veñades, meu amigo!
• É boa desgracia non ter para viño e ter que beber auga.
• Enriba de brevas auga non bebas.
• Enriba de brevas nunca bebas.
• Eu non son digno de bebe-la auga sen viño.
• Máis val.e beber que cuspir.
• Non almorces sen viña nin andes moito camiño.
• Non atoldes a auga que teñas que beber.
• Non hai ruÍn viña con castañas asadas e sardiñas salgadas.
• O beber mata axiña a sede.
• O beber quere comer.
• O lacón e ao touciño, tragos de viña.
• Ó que bebe pola cabaza non se lle saben os tragos que pasa.
• O que despois do caldo non bebe, non sabe o que perde.
• O que vai á adega e non bebe, iso máis perde.
• O viño polo xerro é como mellor o quero.
• Ós figos, se son verdes, hai que darlles viña.
• Por beber medio netiño e comer media tallada, nunca se perdeu nada.
• Por cada bocadiño, un neto de viña.
• Que chova, que neve, o que ten sede bebe.
• Que chova, que neve, quen ten sede, bebe.
• Que chova, que xíe, dálle auga ao corpo, cando a sede a pide.
• Se a cunca é capaz e o viño é ricaz, comamos e bebamos e teremos a festa en paz.
• Se bebes despois do caldo, podes facerlle a figa ao "cirurxiano".
• Se con uvas bebedes, dúas veces beberedes.
• Sen beber non se debe comer.
• Un gotiño de augardente deixa o estómago quente e fai ao home forte e valente.
• Vexa eu a auga, inda que sexa atoldada.
• ¡Comamos, bebamos e runflemos, que, ao cabo, que morrer temos!