biqueira

1. Parte saínte dalgunhas vasillas, cun pequeno cono cun furado por onde sae o líquido.

   Ex: Collín o porrón e comecei a beber pola biquela.

2. s f

   Reforzo de coiro ou doutro material que se acostuma poñer na punta do calzado.

   Ex: Tes que lle pór ás botas cadansúa biqueira porque teñen a punta moi desgastada.

   Sinónimos: bigoteira, punteira.
3. s f

   Parte de diante do carro.

4. s f

   Recipiente de madeira onde se retén a auga do muíño.

5. s f

   Lugar dun recipiente por onde sae o líquido.

   Ex: Rompeu a biqueira da xerra e agora verte todo o viño.

   Sinónimos: bica, bico, biquelo, picho, biquela.
6. s f

   Cano do lagar por onde cae o mosto no pío.

   Sinónimos: bica.

Sinónimos

Citas

• Collín o porrón e comecei a beber pola biquela.

Frases feitas

• A lume de biqueira. Facer algunha cousa con moita rapidez, ás présas. Ex: Como chegaba tarde á voda, marchei no coche a lume de biqueira.

• Dar/facer un disparo de biqueira. Dar ao balón de fútbol unha patada coa punteira da bota.