² caqui

Árbore caducifolia de 10-15 metros de altura, de copa redonda, con follas ovaladas elípticas, grosas e de reverso pubescente. Presenta flores amarelas e froito comestible, esférico ou cordiforme, con pel dun amarelo encarnado e polpa micilaxinosa, de cor laranxa. Orixinaria de China e Xapón, estendeuse polos países mediterráneos e por California, Florida, etc. Plántase polos seus froitos e pola madeira, densa, elástica e resistente, empregada para facer lanzadeiras, paos de golf, etc. É unha árbore de climas meridionais e temperados, pero pode resistir fríos intensos se se cultiva en rexións secas.

Froita comestible da árbore do mesmo nome. Ten cor encarnada, a pel moi fina, o tamaño dunha laranxa e un sabor moi doce. A polpa, carnosa e moi delicada, é de difícil conservación.