"Aden" (Contén)

Prefixo de orixe grega que se emprega na formación de palabras co significado de ‘glándula’.

Antiga colonia británica, creada no 1937, que comprendía a cidade de Adén, o territorio denominado Pequeno Adén, dúas penínsulas arredor da cidade e as illas de Perim, Kamiram e Kuria Muria. Acadou a autonomía no ano 1955 e en 1963 entrou a formar parte da Federación de Arabia do Sur. Esta colonia, xunto co protectorado de Adén, independizouse no ano 1967 co nome de República Popular do Iemen do Sur.

Antigos estados árabes vencellados dende 1882 a Gran Bretaña por tratados de protección que no ano 1937 se constituíron nun único protectorado. Estaba dividido nun protectorado oriental, que comprendía a rexión de Hadramawt cos estados de Saiwun, Sihr e Al-Mukalla, os sultanatos de Qisn, Suqutra, de Bar Haf, Bir Ali e os territorios de Irqah e de Al-Haura; e nun protectorado occidental, con oito sultanatos, dous emiratos e sete territorios. Algúns estados do protectorado occidental crearon no 1960 a Federación de Adén. En 1963, esta federación e a colonia de Adén formaron a Federación de Arabia do Sur, á que se sumaron outros estados, dos que algún pertencía ao protectorado oriental. Co resto do territorio, os británicos formaron un novo protectorado de Adén que, finalmente, pasou a formar parte da Federación de Arabia do Sur en 1967 para crear a nova República Popular do Iemen do Sur.

Primeira fase da tradición cultural dos bosques orientais de Norteamérica (Woodland), datada entre 1000 e 100 a C no val do Ohio. Sucede ao período Arcaico logo dunha transición marcada pola aparición da agricultura (cabaza e xirasol). A súa característica máis salientable é a construción de grandes túmulos de terra, en ocasións funerarios, que posiblemente funcionaron como marcadores territoriais de grupos de parentesco. A súa organización social, que artellaba extensas redes xeográficas como demostra o intercambio de obxectos de prestixio, remanecía moi igualitaria.

Sigla da Asociación para la Defensa de la Naturaleza, organización conservacionista española fundada no 1968.

Dor nunha glándula ou nun ganglio.

Agrupación creada en 1990 como asociación xuvenil para a defensa do medio ambiente e promoción do asociacionismo xuvenil no concello de Ponteareas. Estivo presidida por Roberto Mera (1990-1997) e Xosé Barcía Iglesias (1997). Nos primeiros tempos organizaron campañas de ámbito local a prol da reciclaxe, da supresión de vertedoiros de lixo ilegais e da queima de residuos e vertidos ao río Tea, actuando como grupo comarcal. Tamén promoveron campañas como a defensa do saneamento do río Tea, para a que convocaron unha manifestación en 1994, e lideraron a oposición en contra do Salto do Sela organizando un encontro galego-luso de grupos ecoloxistas que habería dar lugar á plataforma luso-galega, na cal se integrou. Desde 1994 forma parte da Federación Ecoloxista Galega e coordina as campañas do movemento ecoloxista nesta terra. Publica trimestralmente un boletín e, anualmente, a revista O Cogumelo sobre temas ambientais.

Xénero de plantas da familia das pasifloráceas, que comprende medio centenar de especies de arbustos e lianas de África e Asia.

Enzima que cataliza a formación de AMP cíclico a partir do ATP, que é o seu substrato específico.

Nome dos tres nucleótidos isómeros, ésteres monofosfóricos da adenosina, que se identificaron nos tecidos dos seres vivos e que só difiren pola posición do hidroxilo da ribosa que se encontra esterificado. O ácido 2’-adenílico e o ácido 3’-adenílico forman a mestura coñecida polo nome de ácido adenílico do lévedo. O ácido 5’-adenílico é coñecido como ácido adenílico do músculo e encóntrase nos tecidos animais.

Base purínica constituínte da adenosina e, por tanto, de numerosas substancias de grande importancia bioquímica.

Tumor maligno do epitelio glandular ou dos seus condutos excretores. Pode afectar a calquera órgano, sobre todo ao estómago do home e á mama da muller.