"Bund" (Contén)

Antropónimo procedente do nome latino Abundius formado sobre o adxectivo abundāns, -ntis ‘abondoso, abundante’. Trataríase dun nome augural que contiña o desexo ou agoiro positivo expresado polos pais cara ao neonato.

Partido socialdemócrata dos traballadores xudeus fundado en Rusia en 1897. En 1898 tivo un papel importante na organización do Partido Socialdemócrata Obreiro Ruso; sen embargo, enfrontouse cos bolxeviques a causa da súa estrutura organizativa, polo que foi eliminado logo da Revolución de Outubro (1917).

Libro relixioso dos zoroastristas escrito en lingua pahlavi que contén unha recompilación de crenzas cosmolóxicas, mitolóxicas, históricas e xeográficas persas da Idade Media.

Banca federal de Alemaña. Creada pola lei o 26 de xullo de 1957, foi dotada dunha grande autonomía. Foi a base do sistema monetario e bancario alemán.

Nome co que habitualmente se coñecen oficialmente os estados federais (länder) da República de Austria.

Nos estados federais xermánicos, órgano federativo con funcións lexislativas, administrativas ou gobernativas formado por representantes tanto dos gobernos como dos órganos de representación popular dos estados membros. O Bundesrat foi unha das cámaras lexislativas na Confederación de Alemaña do Norte entre 1866 e 1871 e no Imperio Alemán de 1871 a 1918. A partir de 1949 foi a cámara alta da República Federal de Alemaña e da Alemaña reunificada desde 1990. Na República de Austria, entre 1918 e 1938 e desde 1945, recibe tamén o nome de Länderrat. En Suíza é o nome alemán do Consello Federal que, a diferenza de Alemaña e de Austria, ten carácter executivo.

Asemblea lexislativa da República Federal de Alemaña ata finais de 1990 e da Alemaña unificada dende o mesmo ano. Os seus membros son elixidos por un período de 4 anos por sufraxio universal directo. Está composta por 662 membros que elixen o chanceler a proposta do Presidente da República e controlan o poder executivo. Na Confederación Xermánica (1815-1866) (Bundesversammlung) a Asemblea Federal recibía o nome de Bundestag; tamén na República de Austria foi o nome dado ao Nationalrat. Foi o órgano lexislativo da República Federal de Alemaña (1949-1990) e, posteriormente, da Alemaña reunificada.

Banco central de Alemaña, constituído en 1957 en Frankfurt. Encárgase da emisión do diñeiro e de elaborar as normas de política monetaria do Estado. Substituíu o Reichsbank, disolto en 1961.

Institución fundada no ano 1907 polo arquitecto Hermann Muthesius (1861-1927) en Múnic. Uniu a artesáns, arquitectos e deseñadores coa finalidade de mellorar o deseño e a calidade dos produtos industriais. Inspirouse no Arts and Crafts de William Morris, aínda que aceptou o maquinismo como un feito irreversible e serviuse del. No seu interior existiron dúas faccións: unha liderada por Muthesius e P. Behrens que propuña o maior uso da produción industrial e a estandarización do deseño, e outra dirixida por H. van de Velde, defensora da expresión artística individual. Na reunión anual de 1914, celebrada en Colonia e na que participou W. Gropius, optouse pola primeira. Á súa imaxe xurdiron, entre outras, as institucións Österreichister Werkbund en Austria (1912), Slöjdsforening en Suecia (1913), Comité Central des Arts Appliquées en Francia (1916), Design and Industries Association en Inglaterra (1917) e Schweirezischer Werkbund en Suíza (1923). Trala paréntese provocada pola Primeira Guerra...

errante.

Fronte guerrilleira de El Salvador fundada en 1980 coa finalidade de establecer un réxime democrático. En 1992 chegou a un acordo co goberno, pero o conflito continuou ao non cumprirse o programa de transferencias das terras e de compensacións dos ex-combatentes. Coa intervención dos denominados escuadróns da morte o enfrontamento converteuse nunha guerra civil. En 1994 celebráronse as primeiras eleccións tralo conflito, nas que se presentou convertido xa en partido político. Nas eleccións do 2000 acadou a maioría dos votos.