corredor -ra

Que ou quen corre.

Persoa que toma parte nunha carreira.

Soldado que se enviaba antigamente para descubrir e observar o inimigo.

Persoa que fai de intermediaria en operacións mercantís, poxas, peñores, etc, polo que percibe unha comisión ou retribución.

Pregoeiro oficial dun municipio ou doutra administración pública encargado da comunicación ou difusión de avisos e disposicións, entre outras obrigas. Antigamente, denominábase corredor de trompeta ou trompeta, por mor do instrumento que utilizaba para chamar a atención.

Axente encargado da mediación nas operacións do mercado de valores por conta dun particular.

Axente encargado de solicitar letras ou diñeiro prestado, e que axusta os cambios de interese.

Axente mediador encargado da promoción e intervención de contratos mercantís entre as partes, dando fe dos mesmos na súa condición de feudatario público colexiado. A súa intervención acredita a identidade e a capacidade dos contratantes, ademais do outorgamento do acto ou contrato. Dá fe dos asentos contables dos libros de contas e das pólizas expedidas. Actúa nas prazas mercantís que non dispoñen de bolsa de comercio.

Corredor encargado de asistir aos mercadores na distribución do seu xénero, solicitando compradores.

Persoa física ou xurídica que realiza a actividade mercantil de mediación en seguros privados, sen manter vínculos que supoñan afección con entidades aseguradoras, ofrecendo asesoramento imparcial a quen pretende contratar un seguro. Diferénciase dos axentes de seguros en que non está unido a ningunha compañía aseguradora.

Axente colexiado que actúa no comercio marítimo, exercendo de feudatario público nos contratos nos que intervén. Serve de intérprete e tradutor dos capitáns de buques estranxeiros e representa en xuízo aos navieiros, consignatarios e capitáns de buques estranxeiros se estes non comparecen.

Paso, en xeral longo e estreito, no interior dunha edificación, que comunica distintos compartimentos.

Parte da casa constituída por unha estrutura de madeira disposta de forma horizontal e un chan de táboas ou lousas de xisto fixadas sobre un entramado que se sitúa ao longo da fachada principal. Complétase cuns lixeiros esteos que soportan a cuberta, prolongación do tellado da casa, e protéxese cunha varanda. Hai lugares nos que está totalmente pechado, de maneira que se incorpora como unha dependencia máis do piso. Serve de protección nas zonas de clima rigoroso e de secadoiro para os produtos do campo.

Parte lateral da cuberta dunha embarcación que permite pasar de proa a popa polos lados da caseta.

Pasaxe estreita que conduce á cámara ou anta megalítica.