cortar

1. v t

   1. Facer unha fenda nun obxecto cun instrumento con gume.

      Ex: Cortou as verduras para a ensalada.

      Sinónimos: tallar.

   2. Separar cun obxecto afiado algo que forma parte dun todo.

      Ex: Cortou un anaco de queixo e merendou con el.

   3. Separar cun obxecto cortante a parte aérea dunha árbore das raíces.

      Ex: A xente cortou o castiñeiro para queimar no inverno.

      Sinónimos: tallar.

   4. Eliminar cun obxecto con gume a parte que sobra de algo.

      Ex: Sempre corta o pelo na mesma perruquería.

2. v t

   Ocasionar unha ferida co gume dun obxecto a alguén.

   Ex: Un irmán cortou o outro nunha man.

3. v t

   1. Sacar un anaco dun material cunha forma concreta e precisa.

      Ex: Os nenos cortaron na escola as figuras da primeira lección.

      Sinónimos: recortar.

   2. Dar a forma necesaria coas tesoiras a un tecido co que se vai confeccionar unha peza de roupa.

      Ex: Corta un pouco máis ese vestido se queres que se che axuste ben ó corpo.

      Sinónimos: recortar.
4. v t

   Separar un corpo en movemento un líquido ou un gas creando unha perturbación aparente.

   Ex: A xente miraba como o barco cortaba a auga.

5. v t

   Separar a baralla en dúas partes asimétricas para acabar de desconxuntar as cartas do mesmo pao.

   Ex: Ó neno gústalle moito cortar a baralla. OBS: Nalgunhas construcións omítese o complemento e adquire valor absoluto. Ex: Dou eu e corta ti.

6. v t

   Producir un axente, especialmente o frío intenso, unha lesión na pel.

   Ex: O frío cortoulles os beizos.

7. v t

   Atravesar algo en dúas partes separándoas.

   Ex: O sistema montañoso corta a rexión en dúas metades.

   Sinónimos: partir.
8. v t

   1. Impedir que algo continúe ou se propague.

      Ex: Cortaron o mal de raíz. Cortaron o lume para que non pasase para o outro lado da estrada.

      Sinónimos: atallar, deter.

   2. Facer que cese o paso ou a saída de algo ou a comunicación entre dúas cousas.

      Ex: Cortáronlles a luz e a auga ós veciños sen avisar. Os médicos cortan a hemorraxia cun apósito. A rúa estaba cortada por obras. As tropas inimigas cortáronlle o paso.

      Sinónimos: interromper.
9. v t

   Interromper a alguén que estaba falando ou algo que se estaba desenvolvendo ou executando.

   Ex: Sempre o corta cando está dicindo o máis interesante. Os organizadores cortaron a conferencia antes da hora. Cortaron a relación porque non se entendían.

10. v t

    Eliminar determinadas partes dunha obra por culpa da censura.

    Ex: Nas ditaduras cortan moitas obras.

    Sinónimos: censurar.
11. v t

    Aparecer sólidos, como produto da aglutinación ou precipitación, nunha disolución polo cambio nas condicións desta.

    Ex: O limón corta o leite.

12. v t

    Quedar ou deixar a alguén sen saber qué dicir ou facer por mor dunha turbación.

    Ex: Quedou cortado cando viu os seus pais na festa. O que lle dixo cortouno e xa non lle soubo contestar.

13. v t

    Engadirlle un líquido a outro para rebaixar o seu sabor.

    Ex: Corta o café porque lle é moi forte.

14. v t [MAT]

    Compartir un punto común dúas liñas ou unha liña dúas superficies.

15. v t [INFORM]

    Eliminar material do documento que se está editando para colocalo noutra parte dese documento, noutro documento ou simplemente para borralo.

16. v i

    Posuír bo ou mal gume un obxecto para facer cortes.

    Ex: Hai que afiar as tesoiras que xa non cortan.

17. v i

    Dirixirse a un lugar determinado polo camiño máis curto.

    Ex: Se cortas pola dereita chegas antes.

    Sinónimos: atallar.
18. v pron

    Ferirse cun obxecto cortante.

    Ex: Cortouse nunha perna e non puido ir de vacacións.

19. v pron

    Interromperse unha comunicación.

    Ex: Non me puido dicir o máis importante porque se cortou o teléfono.

20. v pron

    Cuartearse a pel por mor dun axente, especialmente o frío.

    Ex: Cortóuselle a cara co frío.

21. v pron

    Crearse sólidos nunha disolución pola alteración das súas condicións.

22. v pron

    Mostrarse alguén turbado e sen saber cómo reaccionar.

    Ex: Ó ver tanta xente cortouse.

23. v pron [MAT]

    Cruzarse dúas liñas nun punto ou nunha liña dúas superficies.

Frases feitas

• Afeita que corta. Aplícase ao vento frío que corta os beizos ou a cara.

• (Ir un frío) que corta. (Ir) moito frío.

• 2 Aplícase a quen sente cólera ou furor con facilidade.

• 2 Aplícase a un aparello cortante cando non corta.

• Corta o que ve e deixa o que atopa. 1 Ser un fantoche.

• Cortar as pedras. Conmover.

• Cortar o bacallao. Ter o mando ou dirixir algunha cousa.

• Cortar o nó gordiano. Vencer dificultades.

• Cortar o sieiro/o aire coa fouce. 1 Ser orgulloso.

• Cortar os dentes. Causar denteira.

• Cortarlle a lingua a alguén. Aplícaselle a alguén cando non quere falar.

• Cortarlle o traxe a alguén. Calumniar a alguén.