covenant*

Alianza ou convenio asinado por diversos estamentos para a defensa do culto reformado na Igrexa presbiteriana escocesa. Os primeiros datan de 1557 e de 1581; sen embargo, o máis célebre foi o National Covenant de 1638, polo que os presbiterianos escoceses lograron impedir as medidas de Carlos I, favorables á imposición do anglicanismo en Escocia. Ese feito desencadeou unha profunda crise en Inglaterra en 1641 e provocou a primeira revolución inglesa.