crítico -ca

Que decide a evolución dunha enfermidade.

Época na que se produce o climaterio.

Aplícase ás condicións que determinan un cambio no desenvolvemento dun fenómeno ou nas propiedades dun corpo.

temperatura crítica.

Composición dun sistema no momento no que, engadindo un solvente a dous líquidos parcialmente miscibles, as dúas solucións chegan a ter a mesma composición e se transforman nunha soa fase. Un exemplo é a adición de alcohol a unha mestura de éter e auga.

Persoa que expresa a súa opinión razoada sobre un tema, xulgando o seu valor, as súas calidades e os seus defectos.

Persoa que valora o resultado dunha obra literaria, artística, cinematográfica, etc. Dentro da crítica literaria ocúpase da análise e interpretación dos procedementos construtivos da obra literaria. En consonancia cos dous tipos de crítica que se establecen a partir da súa función valorativa, distínguense dúas figuras. O crítico académico estudia os diferentes elementos que compoñen un texto, mediante o emprego de ferramentas metodolóxicas axeitadas a un marco conceptual determinado. Pode centrarse na estrutura, na análise do tempo ou do espacio, na modalización, na métrica, etc. O seu labor desenvólvese no ámbito do ensaio ou en publicacións especializadas, en forma de artigos ou monografías. Fronte a este, existe outra clase de crítico que informa o público das novidades literarias, para o que emite opinións e valoracións, tanto das novas publicacións como das estreas de pezas teatrais. O seu traballo ten o valor da actualidade e desenvólvese nos medios de comunicación.