Compañía de Filipinas

Sociedade comercial por accións, constituída en 1733 por iniciativa do comerciante gaditano Manuel de Arriaga, que monopolizou o comercio con Filipinas. En 1783, Carlos III autorizou o banqueiro Cabarrús a ampliar o capital e outorgoulle o privilexio de comerciar con África, as Indias e Filipinas. Trala Guerra da Independencia decaeu ata a súa disolución en 1834.