lea

1. s f

   Enfrontamento entre varias persoas en que se discute a berros.

   Ex: Varios rapaces participaron na lea que se formou diante do bar.

   Sinónimos: pendencia, refrega. Confrontacións: altercado, disputa, liorta.
2. s f

   Enfrontamento entre varias persoas que acada a violencia física.

   Ex: Levou un golpe nunha lea e tivo que ir ó hospital.

   Sinónimos: disputa, liorta, pelexa, refrega. Confrontacións: agarrada.
3. s f

   Situación de moito balbordo, desconcerto e desorde.

   Ex: Con semellante lea foi imposible entender nada.

   Sinónimos: barullo, confusión, liorta, rebumbio.
4. s f

   Cousa ou grupo de cousas encerelladas e difíciles de soltar ou desenlear.

   Ex: Fixeron unha lea coa corda e houbo que tirala.

   Sinónimos: enredo, maraña.
5. s f

   Situación para a que é difícil atopar unha solución.

   Ex: Vai ser complicado resolver esa lea.

   Sinónimos: complicación, dificultade, enredo, leria, marfallada.
6. s f

   Termo do barallete ou xerga dos afiadores que corresponde ás voces ‘puta’, ‘pelexo’ ou ‘corda’.

   Sinónimos: ligota.

Formas incorrectas