asar

1. v t

   Preparar un alimento (carne, peixe) nun espeto, grella ou forno, poñéndoo directamente ao lume e mollándoo, ás veces, con graxa, aceite ou outro líquido adecuado. Queda dourado na súa parte externa e tenro no interior.

   Ex: Asou o churrasco na eira.

   Confrontacións: enfornar.
2. v pron

   Preparar un alimento directamente ao lume sen auga e sen aceite.

   Ex: Con ese lume logo se asa a carne.

3. v t

   Producir excesiva calor.

   Ex: O sol asoume as costas na praia.

   Sinónimos: abrasar, queimar.
4. v pron

   Sentir moita calor.

   Ex: Co día que fai, asámonos.

   Sinónimos: abafar. Confrontacións: afogar.
5. v

   Termo do barallete, xerga dos afiadores e paraugueiros, que corresponde á voz ‘apostar’.

   Sinónimos: apicholar.

Frases feitas

• Asar a manteiga na punta dun guizo. Xuntar o bo e o malo.

• Non estar para asar castañas. Non ter humor para recibir bromas.