billa

1. s f

   Instrumento ou chave que impide o paso dun líquido por un conduto calquera.

   Ex: Deixou a billa da bañeira aberta e cando chegamos topamos o baño asolagado de auga.

2. s f [ETN]

   1. Cano de madeira, xeralmente torneado e provisto dunha chave, que vai colocado nun burato feito na parte inferior do pipote para que poida saír o viño.

      Ex: Xa coloquei a billa para trasfegar o viño.

      Sinónimos: billote.

   2. Pao delgado e cuberto de estopa que serve para extraer viño do barril ou pipote e ir probándoo.

3. [ETN]

   Táboa levadiza e de pequeno tamaño que vai colocada no extremo inferior do cubo do muíño para regular o paso da auga.

   Ex: A billa do muíño abandonado xa apodreceu.

Formas incorrectas