cabecear

Facer movementos coa cabeza.

Mover a cabeza para adiante e para atrás ou para os lados de forma involuntaria, cando se está adurmiñado e a cabeza non está apoiada.

Realizar movementos coa cabeza para afirmar ou negar algo.

Caer cara a un lado algo que debería permanecer inmóbil, en equilibrio.

Alzar e baixar alternativamente a proa e a popa dun barco, que provoca un movemento lonxitudinal cando a proa cae sobre as ondas do mar, volvendo a levantarse cun lixeiro balanceo máis ou menos regular. En comparación co movemento de balanceo os espacios de tempo nos que se produce o cabeceo son bastante máis curtos; do mesmo xeito, as cabezadas son máis violentas ca o balanceo, tanto por ese período máis curto no que se producen como tamén porque as velas non amortecen ese movemento.

Estremar unha leira con outra pola parte da cabeceira.

Xogar co balón dándolle toques coa cabeza.