Casa dos Mouros

Mámoa situada na parroquia de Candeán, Vigo, coñecida tamén como dolmen de Candeán. Carece de mámoa e a cámara, de planta poligonal, ten cinco chantas e unha tampa; as súas dimensións aproximadas son de tres metros no eixe maior e dous metros no menor e cunha altura que supera os dous metros. A tampa, desprazada e apoiada lateralmente nos esteos, é de grandes dimensións (3,90 x 2,20 m).