Casa do Mestre

Edificación situada na cidade de Pontevedra. Concibido como un espazo de convivencia para o profesorado da provincia, creouse a partir dos cursos de perfeccionamento de 1932. No tempo da Segunda República foi sede de numerosas conferencias, dispuxo dunha   completa biblioteca, coordinou varias excursións pedagóxicas e culturais, expuxo traballos realizados por escolares e, a través da FETE e doutras asociacións do profesorado, intentou promover a creación de máis casas do mestre noutras cidades galegas; feito que se logrou, durante un curto período de tempo, na Coruña.