"Oria" (Contén)

Que se opón ao señorial. Fai alusión aos movementos sociais contrarios aos privilexios señoriais.

Movemento social contrario aos privilexios e abusos dos señores. O réxime señorial, instalado en Europa a partir do Baixo Imperio Romano e especialmente durante a Idade Media, é un dos eixes fundamentais dos conflitos sociais que sacudiron o período baixomedieval. Varios factores combináronse para provocar a crise dos señoríos feudais: o fortalecemento das monarquías centralizadoras, co conseguinte debilitamento das responsabilidades políticas dos señores, o auxe das cidades, as novas actividades mercantís, unido todo iso a un momento de crise xeneralizada a nivel político (Guerra dos Cen Anos), espiritual (Cisma de Occidente) e socioeconómica (peste, fames, desequilibrio entre poboación e recursos). Isto trouxo como consecuencia un aumento da presión señorial que provocou a resposta xeneralizada dos sectores máis oprimidos da poboación, tanto rurais como urbanos. As revoltas antiseñoriais sucedéronse por toda Europa. En Flandres, as revoltas provocaron, entre 1301 e 1302, un sanguento...

Xénero de bolboretas da familia dos piéridos. En Europa ten como representante a especie A. crataegi que se caracteriza por ter ás brancas con nerviación escura e que na fase larval se alimenta especialmente das follas do estripeiro; en Galicia está presente especialmente no sueste e na área de montaña oriental.

Palabra grega, que significa ‘ausencia de camiño’, empregada polos filósofos gregos da Antigüidade para designar aqueles problemas que presentan unha dificultade lóxica insuperable.

Formación do gametófito directamente do tecido vexetativo do esporófito, sen formación previa de esporas.

Editorial de Pamplona (Navarra) fundada en 1929 polo xurista Manuel de Aranzadi e Irujo (Lizarra 1882 - Pamplona 1942). Publica desde 1930 os repertorios de xurisprudencia e lexislación española: Repertorio cronológico de Legislación, Repertorio de Jurisprudencia, Índice progresivo de legislación e Índice progresivo de jurisprudencia, actualizados periodicamente. Nesa mesma liña, Estanislao de Aranzadi, fillo do fundador, publicou a primeira edición do Dicionario de legislación (1951).

Empresa vencellada ao sector da comunicación en Galicia. Foi creada en maio de 1998. Entre os seus traballos máis significativos sitúase a dobraxe á lingua galega de filmes como Fisterra (1998), Cando volvas ao meu lado (1999) e Os anos borrados (1999). Para televisión traballa na posprodución, mesturas e dobraxe de películas como O paciente inglés, Patton e Catro vodas e un funeral. Tamén traballa no mundo da publicidade, dedicándose á dobraxe e preparación de anuncios en galego relacionados con empresas bancarias, alimentarias e xornalísticas, entre outras. Achega para a súa realización equipos de edición de audio dixitalizados en formatos surround (Dolby SR, Dolby digital, etc).

María Victoria Fernández-España e Fernández-Latorre.

Na filosofía de Leibniz, sistema dedutivo co que quería derivar, inventar e expresar conceptos complexos mediante símbolos alxebraicos e regras de combinación.

Asociación creada no ano 1990 por estudiantes de segundo e terceiro ciclo da facultade de Xeografía e Historia da Universidade de Santiago de Compostela, co obxectivo de organizar foros de debate histórico e historiográfico, investigacións e publicacións que amplíen o coñecemento da Historia de Galicia. Se ben nun primeiro momento se destinou a estudiantes e profesionais da Historia, pronto se abriu á participación de todo aquel interesado nas actividades que a asociación desenvolve. Organiza a Semana Galega de Historia así como congresos de Xoves Historiadores e outras actividades.

Preceptoría de Gramática outorgada polo Rei Filipe II o 14 de setembro de 1591. Nun principio o concello de Baiona defendeu que a preceptoría debía unirse ao convento franciscano da vila, cun soldo de 20.000 marabedís, pero finalmente decidiu confiar o ensino a profesores da súa designación. No ano 1595 a cátedra apareceu vinculada ao convento franciscano. A duración da preceptoría na vila foi curta, pero o ensino quedou garantido, xa que o convento de San Francisco contaba cunha escola e unha cátedra de artes. No s XVIII constatábase no convento a existencia dunha escola de Gramática.

Teoría propugnada polo doutor norteamericano Simon Baruch (1840-1921); segundo esta, a auga ten un efecto sedante cando a súa temperatura coincide coa da pel, e un efecto estimulante cando é máis alta ou máis baixa.

Teoría cuántica xeral da supercondutividade establecida por J. Bardeen, L. N. Cooper e J. R. Schrieffer no ano 1957, polo que lles foi concedido o Premio Nobel no ano 1972. Segundo esta teoría, todo o efecto da supercondutividade resulta dunha pequena forza de atracción entre unha parella de electróns con enerxías case iguais (parellas de Cooper). Os electróns libres repélense mutuamente, pero a repulsión está reducida considerablamente por mor do apantallamento dos outros electróns.