"Rīga" (Contén)

PERSOEIRO

Físico e filósofo francés. Estableceu unha teoría atomista baseada na idea dos corpúsculos redondeados e traballou nunha teoría corpuscular da luz e da atracción das masas. En Dubitationes in dialogos Galilaei pro terrae inmobilitate (Dúbidas nos diálogos de Galileo sobre a inmobilidade da Terra, 1632) considerou a Terra inmóbil, en desacordo con Galileo.

PERSOEIRO

Conde de Chinchón. Foi cardeal e arcebispo de Sevilla e Toledo. De tendencia liberal, presidiu a rexencia nos últimos tempos das cortes de Cádiz. Estivo recluído en Toledo (1814-1820) por orde de Fernando VII. Foi presidente da xunta provisional de comezos do Trienio Liberal (1820).

1. Relativo ou pertencente a Brigaecium ou aos seus habitantes.

2. Individuo do pobo brigacino.

3. Pobo (populi) prerromano da Gallaecia, no convento asturense, que tiña por núcleo principal Brigaecium, na comarca de Benavente. O seu papel nas Guerras Astur-Cántabras (29-19 a C) foi destacado; neste sentido, segundo os autores clásicos, a súa derrota, provocada pola traición que lles fixeron aos astures ao redor do 25 a C, foi clave para a vitoria romana.

1. Grupo de persoas que fan un mesmo traballo.

2. Unidade de diversas organizacións estruturadas máis ou menos militarmente.

3. 1. Grande unidade elemental táctica, a máis pequena daquelas onde se combinan a acción das armas e os servicios de cara ao combate. Pode ser independente (paracaidistas, artillería) ou constituír unha división ao lado doutras. É comandada por un xeneral de brigada.

   2. Grao do corpo de suboficiais do exército español, superior ao de sarxento primeiro e inferior ao de subtenente.

   3. Na mariña de guerra española, unidade de organización equivalente á compañía do exército de terra. Formada por diversos rangos, está comandada por un oficial.

   4. brigada de choque

      Antiga unidade equivalente á brigada normal pero con máis potencia de fogo e con forzas especialmente adestradas para o combate.

PERSOEIRO

Escritora letona. Cultivou o teatro e a narrativa inspirada no folclore do seu país.

1. Denominación que recibe o xeneral de brigada en moitos exércitos.

2. 1. Na mariña de guerra española, grao equivalente ao de comodoro nas mariñas anglosaxonas; era superior ao de capitán de flota e inferior ao tamén desaparecido capitán de escuadra.

   2. Militar do armamento de cabalería do exército francés (s XVIII) cunha gradación correspondente noutros armamentos á de capitán. Coa reorganización militar do vizconde de Turenne adquiriu unha categoría parecida á de xeneral.

1. Relativo ou pertencente aos brigantes.

2. Individuo do pobo brigante.

3. Pobo de Britania, establecido ao norte do río Humber no s I a C. Foron sometidos polo xeneral romano Petilio Cerealis, no ano 74 d C.

1. 1. Relativo ou pertencente a Betanzos ou aos seus habitantes.

   2. Natural ou habitante de Betanzos.

2. 1. Relativo ou pertencente a Brigantium ou aos seus habitantes.

   2. Individuo do pobo brigantino.

   3. Pobo (populus) prerromano da Gallaecia, no convento lucense, que tiña por núcleo principal Brigantium. Localízase con certas dúbidas na bisbarra de Bergantiños. É posible que fose unha fracción dos ártabros (arrotrebae), pobo de difícil localización situado aproximadamente entre o cabo Ortegal, ao N, e o de Fisterra, ao O.

CIDADES

Cidade vinculada ao pobo dos ártabros (arrotrebae) que presenta algúns problemas de localización, podendo tratarse da actual Coruña ou de Betanzos. Antes da chegada de César, esta comarca do NO da Gallaecia tiña sona como enclave comercial dotado dun porto situado nas grandes rutas comerciais do Atlántico e afeito a recibir a visita de comerciantes e mercadores. Nos anos 60-61 a C, César dirixiu unha campaña neste territorio para obter un importante botín e ampliar así as relacións comerciais. A expedición serviu tamén para comprobar as riquezas mineiras da Gallaecia, fundamentalmente o ouro, deixando a rexión en condicións de recibir unha explotación comercial regularizada. A dominación romana non foi efectiva ata a fin das Guerras Astur-Cántabras. En Brigantium debeu existir un gran porto, en consonancia coa categoría do faro romano que aínda se conserva, e posiblemente a súa estrutura estivese formada por un dique con sucesivos arcos, por debaixo dos que se introduciría o mar....

CIDADES

Cidade da Lusitania. Suponse que foi fundada por Décimo Xunio Bruto o Galaico na campaña que emprendeu polo Occidente peninsular entre os anos 138-134 a C. Podería ser o primitivo nome de Valencia de Alcántara.