"Roa" (Contén)

PERSOEIRO

Explorador noruegués. Temoneiro na expedición de De Gerlache, na Antártida (1897), elaborou un proxecto para descubrir o paso do nordeste que comunica o Atlántico co Pacífico na América Ártica. As súas observacións en diversas viaxes (1903-1905) confirmaron o movemento do polo magnético da Terra. En 1926, bordeando a costa norte de América, chegou a Nome, no Pacífico. O día 14 de decembro de 1911 chegou ao Polo Sur, dous meses antes que Scott. En 1925 intentou sobrevoar o Polo Norte co aviador e mecenas Ellsworth e co italiano Nobile, mais non o conseguiu. Un segundo intento (1926), a bordo do dirixible Norge, foi satisfactorio. Desapareceu en xuño de 1928 cando andaba a socorrer a expedición do dirixible Italia de Nobile, a bordo do hidroavión Latham. Publicou moitos resumos das súas exploracións, entre os que destacan: Die Eroberung des Südpols (O descubrimento do Polo Sur, 1912) e My Life as an Explorer (A miña vida como explorador, 1927).

1. Dirixir un navío cara a un lugar determinado.

2. olver un barco a proa cara ao vento ou á marea, estando fondeado.

GALICIA

Escultor. Atribúeselle o retablo maior de Santa Mariña de Xestosa, realizado en 1787, e o de San Martiño de Tameiga, de 1773.

PUNTA

Punta da beira meridional da península do Morrazo, en augas da ría de Vigo, que pecha polo L a enseada de Moaña, na parroquia de Meira, concello de Moaña.

ILLAS

Illote da ría de Vigo, situada ao SL da punta homónima, na parroquia de Meira, concello de Moaña.

GALICIA

Relixioso. Foi arcediago de Cuenca. Traduciu do latín ao castelán De cómo el estado de la milicia no es ajeno a la Religión cristiana (1541), obra de Juan Ginés de Sepúlveda.

TERRITORIOS

Territorio histórico vasco (Baixa Navarra) da vertente setentrional dos Pireneos (1.336 km2). Actualmente, xunto cos territorios de Lapurdi, Zuberoa e o país de Bearn, forma o departamento francés dos Pireneos Atlánticos. É unha rexión agrícola e gandeira, con prados e bosques. A causa da falta de industria, hai unha forte corrente migratoria cara a Bordeos e París. Divídese en tres cantóns: Iholdi, Donibane Garazi (Saint-Jean-Pied-de-Port) e Baigorri. A capital é Donibane Garazi. A lingua do país é o éuscaro, actualmente en regresión. Formou parte do Reino de Navarra, do que constituía a sexta merindade, nomeada Ultraportos. Fernando o Católico conquistou o Reino (1512); máis adiante (1530), a Be-Nafarroa foi abandonada de feito aos Albret, situación recoñecida en 1659 no Tratado dos Pireneos. A Be-Nafarroa conseguiu conservar a súa condición de “país de estados” ata a Revolución Francesa (1789).

GALICIA

Profesora e tradutora literaria. Estudiou Filoloxía Románica e Italiana na Universidade Complutense de Madrid. Impartiu clases en distintos centros de estudo e na Facultade de Letras de Dakar (Senegal). É colaboradora de diversos medios de comunicación, entre eles, TVE. Foi secretaria xeral e presidenta da Asociación Profesional Española de Tradutores e Intérpretes. Traduciu ao español máis de cen obras literarias e ensaios de autores italianos e franceses como Boccaccio, Calvino, Zola, Maupassant ou Maquiavelo. Entre eles, I promessi sposi (Os noivos) de Manzoni. Obtivo en 1978 o Premio Nacional de Tradución Fray Luis de León, amais dun premio especial do Ministerio de Asuntos Exteriores de Italia e do Premio Nacional de Tradución ao conxunto da súa obra.