"RL" (Contén)

PERSOEIRO

Pedagogo norteamericano de orixe alemana. Profesor de linguas vivas en América, ideou un método de ensino baseado na asociación do obxecto e da acción coa palabra que o designa, prescindindo da gramática. Puxo en práctica por vez primeira este sistema nunha escola que abriu en Providence (Rhode Island) en 1878, cunha fórmula que se espallou por todo o mundo. O método Berlitz transformou a pedagoxía do ensino das linguas vivas.

PERSOEIRO

Empresario e político. Director dunha empresa inmobiliaria, cara á década dos setenta comezou a crear o grupo de comunicación Fininvest, que chegou a controlar importantes diarios (La Repubblica, Il Giornale), revistas (L’Espresso), editoriais (Mondadori), televisións (Canal 5), etc, como tamén a cadea de alimentación La Standa e o equipo de fútbol do Milán. No ano 1994 creou o partido político Forza Italia que liderou o Polo da Liberdade, coalición de centro-dereita que gañou as eleccións xerais dese ano, sendo proclamado primeiro ministro. Nas eleccións de 1996 a súa coalición perdeu fronte á coalición de esquerdas L’Olivo.

GALICIA

Catedrático de Historia Antiga na Universidade de Santiago de Compostela. Investigador no eido da teoría e da filosofía da historia e da mitoloxía grega e romana. Sobre os fundamentos da disciplina histórica publicou entre outras obras: Psicoanálise do coñecemento histórico (1982), traducido ao español en 1983, e O final da historia: ensaio de historia teórica (1986), obra coa que inauguraba a triloxía Ensayos de historia teórica, composta por El final de la historia (1987), Replanteamiento de la historia (1989) e Genealogía de la historia (1999). Ademais escribiu, entre outras, as seguintes obras: La sociedad en la Galicia castreña (1978), Introdución a la sociología del mito griego (1979), Mitología y mitos de la Hispania prerromana (1982-1986) e Grecia arcaica: la mitología (1996). Colaborou en numerosas obras colectivas, entre as que cómpre salientar Historia de la filosofía antigua (1997),...

PERSOEIRO

Cantante, guitarrista e compositor do estilo rock and roll, coñecido polo seu nome artístico de Chuck Berry. Comezou nun coro de igrexa antes de actuar como profesional no ano 1952. É autor de obras básicas de rock and roll, combinado co rhythm and blues da música negra, o country e o western da música branca. En 1989 publicou a súa Autobiografía.

PERSOEIRO

Médico canadiense. Colaborou con Friederick Grant Banting nos traballos que levaron ao descubrimento da insulina (1922). Descubriu tamén a colina e a lecitina.

PERSOEIRO

Escritor ruso. Publicou o almanaque Pol’arnaja zvezda (A estrela polar, 1823-1825), onde recolle novelas e comentarios críticos románticos. Escribiu tamén Olga (1821) e Mulla Nur. Algunhas das súas obras foron traducidas ao alemán, ao sueco e ao polaco.

PERSOEIRO

Economista. Especializado en problemas de crecemento e de planificación, analizou as diferencias entre a teoría propugnada por Marx e Engels, e a súa praxe nos países occidentais. Escribiu Les luttes de classes en URSS 1917-1941 (As loitas de clases na URSS 1917-1941, 1974-1983).

CIDADES

Cidade do estado de California, nos EE UU (31.971 h [1990]). Situada á beira de Los Angeles, no NO, constitúe, na práctica, un barrio residencial desta cidade caracterizado polo elevado poder adquisitivo dos seus habitantes, relacionados na súa maior parte coa industria cinematográfica; está situada ao S de Hollywood, núcleo principal do sector.

PERSOEIRO

Artista e teórico da arte norteamericano. Durante a súa estancia en París (1936-1937) o Cubismo e o Neoplasticismo orientárono cara á busca de estruturas plásticas. Fronte ao expresionismo abstracto propugnou nos EE UU o Struturism, que defendeu en libros como Art as the evolution of visual knowledge (A arte como a evolución do coñecemento visual, 1948) ou The new Cézanne (O novo Cézanne, 1958). Os seus struturists works, relevos rectilíneos policromados, son a manifestación plástica das súas teorías. Influíu sobre o construtivismo inglés.

PERSOEIRO

Diplomático e político sueco. No 1973 converteuse en secretario xeral do Partido Moderado, do que pasou a ser presidente no 1986. Dende a oposición levou a termo unha crítica persistente da política de Olof Palme. Coa vitoria do Partido Moderado no 1990, accedeu ao cargo de primeiro ministro. En 1994 perdeu o cargo ao ser derrotado nas eleccións lexislativas fronte aos socialdemócratas. Entre 1996 e 1997 foi o representante da Unión Europea para o conflito de Bosnia-Hercegovina. Dende 1992 é presidente da Unión Internacional Demócrata.

PERSOEIRO

Teólogo dominicano francés. Entre o 1746 e o 1751 escribiu uns comentarios á Summa Teologica de san Tomé de Aquino, publicados en 19 volumes e titulados Summa sancti Thomae hodiernis Academiarum moribus accommodata.

PERSOEIRO

Xurista alemán. Principal representante da teoría da reparación (Vergeltungstheorie) no dereito penal clásico, que concibe o delito como a lesión ao dereito do estado e que as súas leis sexan obedecidas. Entre as súas obras cómpre salientar: Die Normen und ihre Übertretung (As normas e a súa inobservancia, 1872), Gehorsamsrecht (O dereito de obediencia) e Genugtuungsrecht (O dereito de reparación).

1. Cada unha das pezas de madeira, ou doutro material, torneada, máis ancha na parte inferior, que se usa no xogo dos birlos.

2. Xogo de habilidade consistente en intentar derribar, mediante o lanzamento dunha bóla, unha serie de paos chamados birlos, colocados en vertical sobre o chan. O exiptólogo Flinder Patrie datou as orixes do xogo arredor do ano 3300 a C. A través dos romanos pasou a formar parte dos costumes populares da maioría dos pobos de influencia latina. A expectación suscitada polo xogo dos birlos, practicado en ambientes rurais, deu lugar á aparición de fortes apostas. A versión moderna e regulamentada do xogo dos birlos (denominada internacionalmente bowling) apareceu en América a finais do s XIX. O bowling practícase nunha pista de madeira lisa e pulida, dotada normalmente dun sistema mecánico para levantar os birlos tirados e devolver as bólas aos xogadores.

PERSOEIRO

Físico. Profesor na Universidade e na Escola de Enxeñeiros de Oslo, destacou polos seus traballos sobre hidrodinámica. A súa obra Remarques historiques sur la théorie d’un ou plusieurs corps, de formes constantes ou variables, dans un fluide incompressible (Observacións históricas sobre a teoría dun ou moitos corpos, de formas constantes ou variables, nun fluído incomprensible, 1875), valeulle o ingreso na Académie des Sciences de París.

PERSOEIRO

Poeta finlandés en lingua sueca. Entre as súas obras destaca a escolma poética Och leker med skuggorna i sanden (As sombras xogan na area, 1937-1947).

PERSOEIRO

Médico e químico inglés. Enunciou a lei de Blagden, onde afirma que a diminución na temperatura de solidificación dunha solución é proporcional á concentración de soluto (se esta é baixa).

PERSOEIRO

Avogado e político. Estudiou Dereito no Saint John’s College de Oxford. Especializado en dereito sindical, comezou a carreira de avogado en 1976 e abandonouna en 1983 ao ser elixido parlamentario do Partido Laborista por Sedgefield. Foi voceiro da oposición nos departamentos do Tesouro e de Economía (1984-1987), Industria (1987-1988), Enerxía (1988), Traballo e Industria (1989-1992) e Interior (1992). En 1994 foi elixido presidente do Partido Laborista e acadou a xefatura do goberno en 1997. Levou a cabo unha política de descentralización rexional coa celebración de sendos referendos en Escocia e Gales (1997) encamiñados á creación dos seus respectivos parlamentos. O 10 de abril de 1998 asinou o Acordo de Stormont, no que se deseñaba unha solución pacífica ao conflito de Irlanda do Norte.