"Est" (Contén)

PERSOEIRO

Escultor, pintor e gravador croata. Naturalizado estadounidense, destacou como escultor de monumentos, desenvolvendo un estilo clasicista. Das súas obras sobresae o enorme mausoleo en conmemoración ao Soldado Descoñecido de Belgrado (1934).

1. Acción de mesturar ou mesturarse.

2. 1. Resultado de mesturar dúas ou máis cousas.

   2. Reunión de sentimentos, calidades ou cousas abstractas, diferentes.

3. Tecido feito de fíos de diferentes fibras e cores.

4. Superposición de dous sinais eléctricos ou máis co fin de obter outros de características determinadas.

5. Sistema formado por dous compoñentes ou máis, en calquera proporción, que poden separarse por medios físicos. As mesturas constituídas por dous compoñentes son denominadas binarias e son as máis correntes. Pódense considerar diversos tipos de mesturas segundo a fase de cada compoñente. Un destes tipos é o caso dun sólido con outro sólido. No caso de mestura de sólidos con líquidos o obxectivo pode ser a disolución ou dispersión do sólido no líquido. No caso das mesturas de líquido con líquido, preséntanse dúas posibilidades segundo que os líquidos sexan miscibles ou non. Pódense obter tamén mesturas dun gas cun sólido ou ben mesturas dun sólido cun gas. A mestura dun gas cun líquido pódese producir por unha absorción con disolución ou por unha reacción; a mestura dun líquido cun gas poder ser producida por evaporación ou por atomización do líquido. Nunha mestura de gases perfectamente homoxénea, cada gas conserva a súa presión inicial, que é denominada presión parcial. Toda mestura de gases...

6. Sistema gasoso constituído por aire e carburante que se utiliza nos motores de combustión interna. A relación teórica entre o paso do aire e do carburante necesarios para producir unha combustión completa é denominada relación estequiométrica, e sitúase ao redor de 15. Na práctica, a relación de pesos entre o aire e o carburante, denominada relación de mestura, é diferente do valor estequiométrico durante o funcionamento do motor. Nun motor de explosión a relación da mestura debe ser máis alta ca a estequiométrica cando xira a réxime normal, e máis baixa cando funciona a poucas revolucións ou a plena potencia. Nun motor diésel a relación da mestura é sempre moi inferior á estequiométrica, agás cando funciona a plena potencia. Unha mestura rica é aquela en que a cantidade de aire é insuficiente para a combustión completa do carburante; no caso contrario fálase de mestura pobre.

7. Operación que consiste en mesturar dous compoñentes sólidos ou máis, xeralmente en forma granular ou de po, para obter un produto homoxéneo.

8. Concepto que expresa o grao de desorde termodinámica dunha mestura de fluídos. O grao de mestura dun sistema é nulo cando os parámetros termodinámicos (enerxía libre, entropía) son iguais á suma dos de cada un dos compoñentes. Nun sistema formado por dúas fases separadas por unha parede impermeable, o grao de mestura é nulo.

9. ...

1. 1. Que ou quen mestura.

   2. Que serve para mesturar.

2. Circuíto ou dispositivo capaz de superpor dous sinais eléctricos ou máis e obter un sinal equivalente á suma ou unha combinación deles, que despois é amplificada. Posúe diversas entradas a unha saída común e a miúdo permite a regulación independente e a vontade de amplitude de cada unha delas. Os mesturadores empréganse en electroacústica co fin de mesturar sinais.

3. Aparato que se emprega para a mestura de materiais sólidos.

1. Xuntar unha cousa con outra para que formen un todo.

2. Xuntar persoas ou cousas distintas nun mesmo lugar.

3. Tratar cousas diferentes xuntas e confundíndoas.

4. Facer que alguén participe ou tome parte nun asunto que, normalmente, pode traer problemas.

5. Desordenar ou revolver cousas que estaban ordenadas.

6. Xuntarse unha cousa con outra para formar un todo.

7. Xuntarse persoas ou cousas distintas nun mesmo lugar.

8. Tratarse cousas diferentes xuntas e confundíndoas.

9. Participar ou tomar parte nun asunto que pode xerar problemas.

10. Relacionarse ou ter trato con algo ou alguén.

1. Estrutura microscópica dun corpo.

2. Estrutura metálica que se pode observar por medio dunha micrografía.

MUNICIPIOS

Municipio da provincia de Toledo, Castela-A Mancha, situado no val de Cigüela, ao N da cidade de Alcázar de San Juan (4.935 h [2001]). A economía baséase na agricultura, na gandaría e nas industrias alimentarias de fariñas e augardente.

GALICIA

Entallador. Traballou no Hospital Real, na capela de santa Catarina e na caixa dun órgano da catedral de Santiago de Compostela. Tamén realizou un retablo para a capela de Santa Mariña Dozo de Cambados e unhas reixas de madeira para unha das capelas de Santa María a Maior de Pontevedra.

PERSOEIRO

Emperador de Oriente (1056-1057). Designado polo emperador, sucedeu a Teodora no trono imperial. Tivo que enfrontarse a unha insurrección dirixida por Teodosio, presidente do Senado e, en África, á rebelión dunha parte do exército, que proclamou emperador a Isaac I Comneno. Ao ver que as súas tropas leais eran derrotadas en Nicea e que o pobo de Constantinopla o rexeitaba, abdicou (1057).

PERSOEIRO

Realizador cinematográfico. Coñecido como Vincente Minnelli, comezou a súa carreira como director artístico. Destacou sobre todo na realización de filmes musicais innovadores, e caracterizouse polo seu estilismo visual. Da súa filmografía destacan Cabin in the Sky (1943), An American in Paris (1951, gañadora de seis Oscar, 1952), The Band Wagon (1953), Gigi (1958, Oscar ao mellor director, 1959), The Sandpiper (1965) e A Matter of Time (1976).